بقلمي-كل محطه...........................
{كل محطه}...................
كل محطه... لابد يمرها قطار
ولابد يخلص درب خطواتيهاي شمعاتي گضاها الانتظار
لاتظن كل العمر شمعاتي
الخشب.. يصرخ اذا طلّع شرار
وجمر صارن بالوجع جمراتي
الگاع عطشانه ويظل بيها خضار
وانا من ارحل تظل چلماتي
الليل لابد..... مايجي بعده نهار
ولابد بظلمه... تشع نجماتي
الورود اشكال واحلاها الزغار
وانا ماتن... للاسف ورداتي
أمنتله ومن تركته بسرعه طار
الطير ماغلطان هي غلطاتي
القيد يفرق بالبس.. عن السوار
وفرق بين احوالك وحالاتي
الوعود اديون مو حچي أبشعار
وانا من احچي كفو حچاياتي
ماتهمت البير من ايدي الّي صار
الصوچ موبالبير في مسحاتي
......................
كلمات
ناصر اسماعيل الموزاني
الموزاني
رد مع اقتباس