وقد كان احد الاعمال المقدمه لمهرجان الحرف
ولان انشره كعتذار للاخ حيدر الغديري
اتمنى ان ينال اعجاب لا اقول الجميع
لا اقول ان كان يعجب واحد من الالف
فهذا يكفي وللاخ حيدر الغديري ولكم
خالص الشكر والتقدير
حيدر الغديري
شكد بجيت بلا دمع .
. حروف تجرحني بلا أثر
وشكد نثرت روحي على الورق ..
جثث بيها مآسي ..
من مختلف انواع البشر
انت بخوفك رجعتنا لوين
.. يا هو التحجي عنه
هذا يافارس مضر
***************
روح مسافره
يلي بجيت بلا دمع
اثار طعناتك هذني
وبلا اثر جرحي نزف
اني روحي صارت ورق
وبلا حبر تكتب نثر
واني خلصت روحي
بس بواجي من ظلم البشر
هذا ياخوف التحجي عليه
اني ما اخاف بس من
اصير لعبه بيد القدر
وهذا يافارس مضر
روح دورلك عذر ونسى المضر
*************************
حيدر الغديري
بعيد ومسافاتك صارت طويلة ..
بكل لحظة بُعد تشهكـَ روحي شهكـَة قهر
مسامر الليل الجان يجمعنه شحلاته ..
وهسه مسامر النوح راح يعمي النظر
ياسافرت فجأة شجرالك ..
هذا وكت أحضانه مو وكت السفر
***************************
روح مسافره
انتَ بعدت وبلا عذر بسرعه غدرت
واني مو بيدي العشك صاير سفر
اني كل لحظه روحي تطلع لابسه ثوب القهر
يامسامر بجه حتى نجمات الفجر
وبليل المسامر ضل الكمر يبجي وينوح من
القهر
انتَ العفتني وضيعت درب الصبر
ودموعي جن سرب الطيور الهاجرت
عند الكمر
*************************
حيدر الغديري
تدري انت انا بلياك ما ارهم ..
وتعرف لو غاب الكمر ما يحله السهر
تعال يا دوة جروحي .. تعال
وشوف كَليبي يالبعدك بأشواكَه انحسر
لا يكَدر يحجي لهلا شبيه ..
ولا كَدر يمحي جرح المضر
*************************
روح مسافره
ياما كلت انا بلياك ما ارهم ثواني
وتالي بسرعه وبلحظه وحده ضيعتني
وبليل اظلم لا نجوم ولا كمر
شلون اجي وأنت كلبك مثل لعبه ومنتشر
هذا كلبي مثل جمره ونيرانها تسعر سعر
دمعاتى قبلي حجوا لاهلي واجتهم
نيران كلبي المستعر
جرح حرفك ما يطيب
مو مثل جرح المضر
**************************
حيدر الغديري
هو بس ساكت .. لهمه غامت ..
ولون ينجاب طاريك .. بالجلمة عثر
عمي شكد بعدك بجيت بلا دمع ..
وجروح انزف بس بليا اثر
********************
روح مسافره
اني خلصتها بس بواجي
وألم روحي لما يطيب
ومن تمر كلماتك المره
يضيع اسمك بين الصخر
عمي شكد بعد اضمد جروح روحي
وكلما اضمد جرح ينزف اثر
روح لا ترجع بعد خليني
بنار كلبي المستعر
رد مع اقتباس
