احس روحي غريب ابلايه ملكاك
واحس جني بسجن لمن تفاركني
يانجمه بسماي وبيك طعم الليل
ليلي بلا طعم لمن تباعدني
يافرحه سنيني البيهة اعيش بخوف
خايف لايجيك يوم وتتركني
واذا لاسامح الله بيوم كتلي انساك
يعني بغيبتك صدك تموتني
وصيتي لو متت صدكني سهله عليك
بدموع عينك وصيتي انت تغسلني
ياوردة وعطرها امجنن العشاك
ميت لكن اعدل لو فتت مني
اذا اكتب قصيدة وبيها اسمك صار
حته الحزن صدك يبتعد عني
افرح حيل افرح لو يمر طاريك
واتمنى اني اشبكك وانت تشبكني
حلم حبك اجاني وجلبت بي
كل عقلك اعوفك لو تكطعني
يمته من الحلم اصحه و الاكيك
وتصير اكبال عيني وما تفاركني
بقلم الشاعر..(علي البغدادي)
رد مع اقتباس
