قلبي انت ملكته وانت حر بيه,,,
عليل وطبي عندك وانت حر بيه,,,
كاس السم اشربه وانتحر بيه,,,
ذا غيرك يمس اطراف ادية,,,
قلبي انت ملكته وانت حر بيه,,,
عليل وطبي عندك وانت حر بيه,,,
كاس السم اشربه وانتحر بيه,,,
ذا غيرك يمس اطراف ادية,,,
شمالي وياك ماشرك هوانه
وهويتك ياحلو وكَلبك هوانه
تره اكثر واحد يحبك هو انه
واعزك وانت تتعزز عليه
اشدادك فكه من جنحي والاشكال
وعذابك مو شكل واحد ولا اشكال
تدرون الزعل شنهو والاشكال
اشلونك كتله كال تعيل بيه
انــه الخـطـار اجـيـتـك اطـلــب اثـنـيــــــن
وانـــــت ابــن الكـــرم وبكيفـــك اختــــــار
لــــــــــــو تصبح حبيبي وآنــــــه ارتـــــاح
لــــــــــــو انتحر بيـك وادخـــــل النـــــــار
كلبي ماعشك غيرك ولامال
ومنك مازعل مرة ولا مال
حياتي انت وحلم روحي والامال
واجيب الروح لعيونك هدية
وحك من طول جناحه وحالا
بجماله راد تعذيبي وحالا
اله بيه 12 حاله وحالا
اللي بس الصبر ساتر عليه
مــو كلمن مشـــــه ويــاك صاحــب
ولا كلمن يـــــــــدكلك صدره كدهـه
مـــــــــرات البشر تحجيلك هـــــواي
وذره من الصـــــدك ما تلكه عــــدهه
ترى البيهم وفـــه كـــــــلش قليلين
وعلى كد الاصابع صـــــــــــار عدهه
غرامك بالكَلب حافر وناقش
صرت نيران تحركني وانا قش
اريد اكعد معك احجي واناقش
وكلك لشوكت تقسه عليه
لك ارفع علم حبي ورايه
وحذرك لا تحب أحد ورايه
وحك من أنزل القرآن آيه وره آيه
أضل أهواك لآخر نفس بيه
ورقه وقلم كضيت ردت اكتب انساك
اوصل لحد النون واكتبها اهواك