ليش بعذابي ايريد يتونس هواي
مايدري هو الروح والعلتي ادواي
ليش بعذابي ايريد يتونس هواي
مايدري هو الروح والعلتي ادواي
المشاركة الأصلية كتبت بواسطة Waqar AL Zahra
أبني وصب أشياش حسبالي أرتاح
بيت ألتعبت أعليه بس غيمت طاح
مو انه گلبي يگول بيه انه عله
ودوايه ولف الروح يسكن ألحله
الگلب يمك شال حط عينك عليه
لوما الك اهديه چا المن اهديه
لوگتلك انه أنساك أحســــبني چذاب
وأنت أغله من الروح وأغله من الاحباب
بعدني اشتاكلك رغم الخلافات
وبعدها بغيبتك ساعه الدقيقه
صدك زعلان لكن زعل چذاب
طبع الياس ميعوف الحديقه
واچذب لوكلت ارهم بلياك
شنو نفع الورد لوما رحيقه
صعب كلش افراكك تدري يفلان
وهجرانك عذابي المااطيقه
هله يلي عليك الكلب ليلاي
أبجي وبنوح أكضي أعليك ليلاي
أنا المجنون وانته صرت ليلاي
هايم والغرام أيحيط بيه
ولك كلي تلين اشوكـت و تحن
وانا الوصلك ادور الفرص واتحن
ولك انت تخصب جفـوف وتحن
وانا بدمعي احني جفوف اديه
انه كلبي لغير حبك ابد مختار
وحبك صار على شخصي مثل مختار
انه راح اجدد بحبك ثورة عمرمختار
ومن هسه اكلك فايز انه بيهه..
لاذ بكلبي شوكك وانتقل بيه
صعد للراس حبك وانتقل بيه
احب اشلون غيرك وانته قلبي
وانه بكلبي احبن مو بديه