فدوه رحت اني الحبيبي
وفدوه كلهه تصير اله
ما اظــــن مثله صاير
من لحظة الجابوه هلـــه
من جماله الدنيه تاخــذ
شويه حسن ومنــــزله
هو روحي وهو عمري
وكل شي بي اشتاكله
شايل بعيونه مصايـب
كل يوم تسوي بلبلــه
مصيبه تسوي هل عين
وكل زقاق بنظره تعزله
ومثل طوله ماشفــته
وابد مكدرت اتخيلـه
فدوه رحت اني الحبيبي
وفدوه كلهه تصير اله
اذا امك دعتلك انت بالتوفيق..
اني امي دعتلي كون ماعوفك
اتعلمت عالصبر..
مرات افوت بدرب..
بي وحدي والزم سرة!
لازم اذل الدمع..
والبس وجه مو رطب..
بي ضحكة مختصرة
والمشكله ادري الفرح
بي ميزة مثل الشرف
ينباع ماينشره
يكَـــولون اليحــب ينشــلع كَــلبه أهـواي
أشــو كلــما أشــوفك روحي تــرجعــلي
ضلم بيه الوكت من خله عمري يطول
وانه الكلــــت بعــدك عمــري ماريــده
مايمك كبر محجوز للايجار???
وحق ربك احس الدنيه خذلتني
جفن عيني يعطب لمـن أتــروح
بحيث دموعي تنزل بيهن صخام
لان طــيب واحـبـك ما رضيـت بهـاي
تحبني شلون كلي ارجوك علمنــي
شو تـهوى اليكرهكـ و تــكره الحباكـ
كلي شلون اكرهكـ خاطر تحبنــــي
ياكلبي شوف الجفن
شفاف ﻻكن فطن
خليك دومك حذر ﻻ تنخدع بالحسن
مو كلشي اصفر ذهب
مرات اﻻصفر تبن
بين المكابر رحت
عن الوفه دورت
يم كبر خوة كبل شفت الوفه مندفن
رديت انه وحسرتي
وهمي ابثكل خطوتي
جناز جني أرجعت شايل نعش فرحتي
اتعكز اعله الصبر وايعتني بيده الحزن
رحت تركض للغربه من صاحوك
وكل عمرك زحف وياي خلصته
