علمني الوكت اصبر على الراح
واعيش بهالزمن واتنعم بقهري
واكابر عالجرح وامسح دموع العين
واجوي النار بيدي وانجوي بجمري
مشيت وي الحزن من الصغر لليوم
واتحمل رغم طعنات البظهري
وتكول الناس يضحك ابد ما مهموم
مايدرون همي مخزن بصدري
الدنيا وياي تمشي بالعكس مكلوب
تاخذ ضحكتي وتتحكم بعمري
خذت مني العزيز وباكت الخلان
وخلتني بهضيمه وحاير بأمري
شلت ضيم الليالي وماحنيت الراس
وبعد بيه الشباب وماخلص صبري
رد مع اقتباس
