عبد الخالق المحنة
ردي على قصيدة السيد الجليل الشاعر الأستاذ
{ جنهه زينب هاي }
نعم زينب هاي صعدت عل هزل
وما بقى ألهه كفيل ولا أهل
كربله شخلت لزينب بس ونين
والهضيمة شلون شدوهه بحبل
هي زينب هاي وربات البتول
وبت فخر عدنانه وخير العمل
نعم زينب هاي بس هزمت يزيد
وخلته مدنك الرأس من الفشل
و خلت يعج القصر بس بالنحيب
ومنهه كال يزيد طلعوهه بعجل
هناك زينب كملت ثورة حسين
وخلت أجباه الزلم تكطر خجل
ما نصور موقف لزينب ضعيف
وهيه بت حيدر علي ذاك الفحل
هي زينب هاي بس سمعت ونين
والخرابة الجابت لزينب اجل
من بجت يمهه رقيه عل حسين
عادت المأساة وحسين انكَتل
منه زينب طاحت ونادت عليك
شعجب ما تحضر ألي يابو الفضل
هناك حست غربة وطلبت كفيل
يعني حنت للأخوة وللأهل
ها يعبد الخالق شناسي العليل
بالمرض ويباري من فوك الهزل
ما اضن قـــَصر وحاشاه الأمام
هو جدك بس انه بضني زعل
ما ذكرته ليش سيدنه شجاك
هو جان لزينب يمثل أمل
هو جان المحور بطول الطريق
هو التحمل اسواط وماجفل
وسوه قصر يزيد مجلس للعزاء
وخله ثورة كربله الهم مـــثـــل
بعد أبو فاضل علي صار الكفيل
ونعم والله من علي لمن كفل
عل هزل ومقيد بثَكل الحديد
وهو جان الخيمة لتلم الشمل
وهو جان الخيمة لتلم الشمل
تحيات اخوكم
قاسم البهادلي
رد مع اقتباس
المشاركة الأصلية كتبت بواسطة هادي الغراوي
