رحت مني وبقه طيفك بالعيون
كمت أحلـــــم.. اشوفـــــك بين الاحلام
ذكـــرك وي خطــــــوتي وامشي بهداي
أخافـــن يلجـــم لــــــو داستـــــــه جدام
خبر جيتك أنطــــره.. وصـــارلي سنين
وحتى سنين عمــــري صـــــــارن أيام
رطب جرحك جذب.. ما طاب لحظات
وأعــــرف بي جـــرح مــــال أول العام
أعد بيــــام بعــــــدك وأحســــب أنوب
و ارد أغلـــــط وأتيـــه بين الارقـــــــام
عـــــالي الفــــرح صـــــار بعلو الغيوم
مالوحــــن وأديه جفــــــــــوف أقـــزام
دورتــك قصيــــده.. أبين الاشعـــــــــار
ويا ما دورت علمفــــرده أقـــــــــــلام
أسد أذني بغيابــــــــك وأكطــع الصوت
عكب صــوتك نشــــاز بأذني ألانغــــام
ينام الليـــــل بــــيه وانه سهــــــــــران
مثل ناطــــور صايــــــــر لحظه ما نام
يدثـــــرني الحــــــزن بس أبقـــه بردان
بيه أعتقــــــد صايـــر حــــــركَ الخيام
اذا كَلبي تشـــوفه..تكــــــــــــــ ول شفاف
بس بعــــــــدك حجـــر ما يرحـم الجام
صح بعدك أذيه ويشلــــــــع الــــــروح
لكن من غيابـــــــــــك جبت الالهــــــام
اذا جيش المشاعر ردلي مكســــــــــــور
مو منطق اعـــــــوفه وارفــــــــع أعلام
البشر لـــــو منه تنزع كلمه أحســــــاس
ما يفـــرق أبد عن كـــومه اصنــــــــــام
وانه مو صنـــم تعرف.. انه انســــــــان
أحب الواقـــع أكثر من الاوهـــــــــــــام
ولأن قلمي كتب بس كلمــــــــــــه وداع
معنـاها الجــــــــــــروح أنحكمت أعدام
عيني بحســــــــــره طبكت باب الجفون
وبالدمعـــــات رمشي تحـــــــــزم حزام
توالــــــف كَلبي صدك ويه الاحــــزان
وجـــــرحي وياللجم هم صــــايـر ولام
يجوز أعـــــــــرف اليوم شيجري وياي
بس باجـــــر أبد مــا أعــــــرف شضام
رد مع اقتباس