همي البروحي چثير
والوكت حيرني بامري
ومحد يعينه اليحير
وانته يا ليل السهاره
زين تدري السكته خير
كوم وصل عتابي ليهم للولف بجناح طير
القصيده
اه يمن لجلج خلص كل ليلي نوح
اه يمن بجلاي الج حفنة جروح
اه يدفله وجنت اضنج عنبر وطيبج يفوح
اه يروحي بنار وجدج اه ياميره واني عبدج
اه يروحي بنار وجدج وهذا ردج
وعندج بسيطه وكلتي بالله ارجوك روح
شلون اروح
شلون اروح وحكي العليج بكثر شم الهوه
شلون اروح وجرحي خزن وما يصح غيرج دوه
شلون اروح وصرتي بيه وصارت اطباعج غوه
شلون اروح .منين اروح .وين اروح
وكلبي كل لحضه يفر ويعتنيج
واني ما اندل درب يبعدني عنج اندل دروب التجيج
وانتي لو عينج وكيحه وغفت ليل اليمر بيج
وانتي لو كلبج جلد وما تهم دمعاتي بيج
والله اكلج ما اعوفج بالحلم نص ليلي اجيج
يبنت الناس خافي الله حرام عليج كسرت خاطر المسكين
اجيتج معتني بهمي يلنج ما عرفتي اسمي
يلنج فوك فوك الفوك تتعلين
ولا جنهه الرسايل ذيج لسه سلوة المسكين
ولا جنهه امج بغفله تطب تلكانه خد وعين
ما تدرين لو تنسين من كون النصح ما فاد من كونج وكيحة عين
لنذر ما بقه بعمري واحطنه عله العشرين
واطيرن نسر فوك الفوك والحكج وين ما ترحين
واخذ حكي بالكوه لون عمرج وصل تسعين
لون عمرج وصل تسعين.
الشاعر سيد عزيز الغرابي
مع تحياتي اخوكم الخزاعي حيدر
رد مع اقتباس
