قصة اعجبتني
كان هناك قرية مجاورة لنهر يعيش اهلها على صيد الاسماك وارواء محاصيلهم من ماء النهر
فجأءة انحبس الماء وجف النهر
طلعوا كعادتهم الى النهر في الصباح فوجدوا صخرة كبيرة وقعت من الجبل واغلقت النهر
ضاجوا حيل
اتشاورو بيناتهم
كالوا لازم نهدم الصخرة
ضلوا بس حجي وخلصوا النهار بس صياح بيناتهم
صار المغرب ورجعوا لبيوتهم
اليوم الثاني نفس الشي
ضلو شهر على هذا الحال
كل يوم ياخذون معاولهم والفؤووس ويرجعون كلشي ماكو
طلعوا ناس فارغين بوخة ودوخة
فد يوم اجة للقرية رجل حكيم
خوش زلمة معدل
كال اشبيكم كاعدين لا شغل ولا عمل
كالوا صخرة سدت النهر ومنعت الماء
الحكيم باوع عليهم صفن شوية وكال
هاي الصخرة لا تزول الا بدماء شاب اسمر تتلطخ عليها
وتركهم وراح
اتعجبو من كلامه
كالوا شبيه هذا الحكيم يمكن مكبسل
ضلو يضحكون عليه وبقوا على حالتهم المريضة
اكو ولد شاب اسمر سمع كلام الحكيم
بالليل راح للصخرة واخذ سكين حادة وصعد على الصخرة وذبح نفسه وسالت الدماء على الصخرة
الصبح كالعادة اجوو التعبانين
شافوا ابنهم مذبوح على الصخرة
كاموا يتصارخون ويتباجون
والنسوان طلعت اتعيط
والاطفال تبجي
وضجت القرية بالبكاء والنحيب
وغضبو على الصخرة
وكاموا عليهة تفليش بالفووس
الى ان اتهدمت واجة الماء ورجع النهر مثل ما جان
انتبهوا على حالهم
كالو هذا الحكيم جان قصده انه لازم نشعر بالغضب وتصير عدنة همة للخلاص من الصخرة
كان الحكيم يعرف انه لازم يغضبون
واحسن طريقة هي مشاهدتهم لابنهم مذبوح على الصخرة
وكان يعرف ان الشباب عنهدم روح التضحية
والان
هل تنطبق القصة على واقعنا الحالي
رد مع اقتباس
المشاركة الأصلية كتبت بواسطة علی
