هنا

[صفاء العامري]

(( ما يمرون.. ))

لا..وحجاب گبتچ..مايمرون
ولاينداس طارف شيلة الباب

شمس واتحجبيتي بعفة الدين
وطول حسين صار الطولچ احجاب

شلون اطيح شيلة راسچ بيوم..!
اويخت عباس چف عباس چلاب

گبل ﻻيمر بيچ السيف تلگين
يم الخدر هامة روسنه گراب

راس العدنه ماخذ شمرة حسين
طاح اعله التراب ابحب أبو اتراب

راس اعله الرمح وايرتل آيات
راس اوسوه راس الرمح محراب

الروس اعله الرماح اوطاعته الروس
اونعم صله جماعه بروس الاصحاب

مثل أهل الكتب منصير وانخون
نهد..لا مانودي الزينب اكتاب

نهد للشام لجل الساكنه الشام
والگلك نعوف الشام چذاب

نهد والمهدي گبل الزلم هادود
وابد لتگول غايب عنها لوغاب

احنه امن البيوت وعفنه البيوت
يامهدي التمنعه اسوار سرداب

يموت السيف بس الثار ميموت
والطلاب يترك ميت طلاب

نخلي عيونهم من شوفها تخاف
اونراويهم الشيعه شلون تنهاب

علمنه علي من نلزم السيف
لرگاب الزلم مانحسب حساب

وغيره العدنه غيرة راس عباس
تشم ابروسنه امن ابعيد عطاب

ونعم صرنه مثل ماراد وايريد
اوللخوه نذرنه ارواح وارگاب

ماصرنه مثل ماراد قابيل
ولاندفن الخوه بذيل الغراب

وتعاهدنه وحلفنه بشاربه نصير
سيف اعله المصايب لم المصاب

ماضلت حجج واندور أعذار
وزينب للسبي مرتين تنجاب

الموت ابابها للرايد ايموت
مثل موتة القاسم بين الاطناب

باچر بالحشر شنگول لحسين
اذا وگفت وشفنه بعينها اعتاب

السكتو عن يزيد اوماخذو ثار
ماتربطنه بيهم نطف وانساب

وحگ اللبس ثوب الموت للموت
وعليه فوگ الثره ماضلت ثياب

الجابوها سبيه بسيف سفيان
ماترحل سبيه بسيف وهاب
........
ناظم الحاشي

[فاينمن]

احنا اویاک صول واطلب واحنه الوفایه اخوی

[قاسم البهادلي]

كلام من القلب للقلب
شكرا لك اخي صفاء
موفق انشاء الله

[صفاء العامري]

شكرا لكم احبتي