مغرورين
ايام وسنين وكلنا ميتين....مغرورين
النهاية الموت تالي العمر لو طال......ونرجع للاصل ونصير من طين....مغرورين
نسينا نعيش طول العمر خطار.......وطبع من الضيافة أيـام باقين........مغرورين
يجينا الموت مهما تطول الايام.......ويروح النفس منا وتغمض العين....مغرورين
وتصير جنازة بين الاهل ممدود......ويرحمـك من يسـبلك الايدين....مغرورين
ويغسلونك بماي الطهر مرات......ويكَمطونك كَماط العمر مرتين.....مغرورين
تفارك خلتك واهلك والاحباب...وشكد عندك قساوة تصير مسكين...مغرورين
بتابوتك نمت وبصحبة الجناز.....مســـتعجل يشدك بالحبل زين.......مغرورين
وصلت المكَبرة وأخر اللحظات...لكَيت الكَبر جاهــز والمفر وين.....مغرورين
وحيد ابقى بلحد مااشوفن الناس....عواصف واهتزاز وشبحت العين...مغرورين
اليوم بغربتي اتوسد الكَاع.....فكَدت كل شي الحويته بذيج السنين....مغرورين
صعبة من رحلت من عتبة الباب...وكَضى عمري عبالك رمشة العين...مغرورين
عفت امي وابوي شموع الايام.....ونمت ظلـــــــــــــــمة يـيمة بين ميتين....مغرورين
مري عله الكَبر حركيلي التراب...ومن اجدامج اريد الرحمة تنطين.....مغرورين
رد مع اقتباس
المشاركة الأصلية كتبت بواسطة اميرة بكلمتي
