لاتهتم....
لاتهـــــتم.....
اذا جار الزمان ونشف بــــــــــــــــحر الطيب
لاتهتم.....
واذا غارت خيول ابليس ..اصبر خلها تتهجم
واذا ارباب الزغر صــــــــــــبوا صواني السم
لاتهتم....
اصبر على النوايب شما قست وياك
ومن ادروسها اتعلم..
وشد احزم حيد بوجه من عاداك
لاتشتكي وتتألم...
وادفن كل جروحك واكتم الاهات
وابني بوسط كلبك سور بس للهم...
ومثل طبع النخل لو كربالك موت
موت اوكف واتبسم....
كلنا بفرد ساعة نموت
ملك الموت لايرحم ولايعصم
بس موته اعلى موته
عدنا تتقسم
المات بعز.. اتعلى وارتفع ليفوك
والمات بذل غربان السواجي
بجثتة تتنعم...
كشف كل جروحك والجروح اكثار
انزف وابقى انزف
لاتوكف الدم ...
جم دم انتصر وجم سيف جاب العار
وجم ميت سعد وجم عدل عاش بغم
لاتهتم
رد مع اقتباس
