لـــيش يالكــــــوفة
ليش يالكوفة فلاعندج خجــــل اشلون مسلم ينجر بطرف الحبــل
-------------
للغدر ياكوفة اصبحتي مثــــال بالمكروالجـــور هزيتي الجبــــال
بعتي دين الباري بدنيا الزوال صرتي ضد حسين اشيـــاع وملل
-----------------
انهالت اعله حسين الاف الكتب شيعتك خيـــل وزلــم تحت الطلب
اقدم احنه اوياك عن دينك نذب والجـــدم وياك عنـــك مـــــــاتزل
-----------------
وارسل حسين الوفي مسلم رسول ويدري طبع الغدر بيكم مايزول
اتلكَته الاف الزلم يوم الوصول صله بيهم والكَلب منهــم وجــــل
----------------
بعد ماكمـّـــل صلاته ولانفــــر نـاده يهل الكـــوفه عاوتو الغـــدر
غشكم ابن زياد ياجمع الكــفر وبعتو سبط المصطفى يهل الجهل
-----------------
ماكفاكم بعتو مسلـــم للطغات يعز عليكم يظل عـــــايش بالحياة
احسبتوهاي الدنيامابيه ممات وصرتو ضد حسين ابن خير العمل
ظل ابوطاهر وحيد بلا نصيــــر ناده يحسين ارجع بضعـــن المسير
الكوفه نقضت بيعتك يبن البشير وتنوي يابو اليمه اليــوم القتـــــــل
---------------------------
بأسم حيدر عمه ذكّر هالعبيــد حطم افلول العــــــده بسيفــه العجيد
انريدك بهالساعة يامسلم تعيد كل مراجــــل سيـــد البطحه الفحـــل
-------------------------
صار ابو طاهروحيد بلامعيـــن وعينه ظلت شابحه لصوب الحسين
وشنهي حاله بيوم دخلوه عاللعين مَكَيد ودمه علـــى وجهـــــــــه نزل
--------------------------
ابد مامر الشهم خوف وهـن ثابت الايمــــان متهـــزه المحـــــن
لاكن اكَليبه لبن عمـــه يحن من يذكره ادموعه عالوجنه تهــــل
-------------------------
ويلي من فوك القصر مسلم رموه ماكفاهم كتله بحبال اسحبـوه
هاني ومسلم شني الذنب الجنــوه هذا حال الي يعـــز ومايــــذل
--------------------------------------------------------
خادم اهل البيت عدنان جابر الحسناوي0 ونسألكم الدعاء
رد مع اقتباس
