هنا

[ستارالناصري]

دمعة رقيه ** نار وسريه
يعمه وينه والدي ** ابن البدور الاحمدي
شفته بمنامي البارحه ** بدمعي شفيت اجراحه
نار وسريه
***************
من ذبحو حسين السبط ** ظلت تلالي انفاسه
شالو الراس اعله الرمح ** ليل ونهار احراسه
يقره ويرتل بالسور ** ايشع الضوه من راسه
عينه ابد ماغمضت ** ينظر الاهــــــله وناسه
يحچي بنظرته ** وتهل عبرته
ينظر ونظراته قهر ** ويصد لعد راس الگمر
ينظر الروس بدمعته ** كلهه ضوت من طلعته
نار وسريه
*************
بالراس دارو چم بلد ** تضوي البـــلد من نوره
راس النبي فوگ الرمح ** لو سبطه هاذي الصوره
قران مرفوع بعمد ** جم ايه بيه جم سوره
ظلت رقيه تنتظر ** لو تنهضم معذوره
اكبر جريمه ** صارت يتيمه
ماتدري بالصار وجره ** ويه النسه متيسره
طفله صغيره تلوعت ** حگهه اذا من دم بجت
نار وسريه
***********
بصحراء وبّحر وشمس ** وگفو علي وضعونه
رادو يرفعـــــون الرمح ** ماگـــــــدرو يرفعونه
والراس يرفض ينرفع ** يحچي وهله يسمعونه
مهموم وبوجه الحزن ** عالدرب صــــد عيونه
بنته الصغيره ** ظلت بحيره
سألو علي عن السبب ** ماينرفع والله عجب
گلهم رقيه اتاخرت ** ينرفع لو اختي اجت
نار وسريه
**************
وسط الخرابه المظلمه ** جمعو علي واحبابه
وبليله سوده ومؤلمه ** نار الهضــــــــم لهابه
لن صوت يدوي بالفضه ** يشكي الجره بمصابه
يندب يبن سيد البشــــــر ** يابو علي يايابــــــــه
صرخة مُحمد ** نار ومتخمد
صرختهه طفله نايمه ** تلعن الزمره الظالمه
هالصوت محد فسره ** بس الرسول وحيدره
ناره سريه
***************
لمن سمع ابن الدعي ** بخوفه سأل حراسه
هالصوت المن مصدره ** مُرعب وهدد ساسه
كالوله طفله اتألمت ** مـــــاتحمل وحساسه
صاح بغضب وبكل حقد ** بالطشت ودو راسه
يحسين صاحت ** حبته وناحت
زينب تنادي محيره ** عمه علي شنهي الجره
ياعمه اختي توسدت ** انفاسهه عمه اُخمدت
ناره سريه

[النقيب]

شكراااااااااااا لك اخي

[هادي الغراوي]

مشكووور

[مرتضى^الجبوري]

شكرا لك