منّي كل گطـرة دمع متفايضه على مصاب حسين تنزل موعضه
۞۞۞
يسكت ألساني ويظل يـحچي الـدمع
والضـمـايـر والگـلـوب التـسـتـمـــع
ليـش نـحـر حسيـن بالطف منگطع
والضلـوع اليـاقـضـيــــه مـرضـرضـه
۞۞۞
منّـي موبس دمعه تـجـري بعـاطفه
هـاي دمعـه تـحيـر أهل الفـلـســــفه
گبلي شـرّعـها الرسـول الـمـصطفى
وفاطمه البيـها مـشت والـمـرتضى
۞۞۞
شلون ما أجري الـمدامع من دمه
والـمجـالس بـيـها تـحضـر فاطـمه
تصيح آ يـبني الفـطـر گلبه الظمه
آه يالبـيك الـسهـم مگبل مـضـه
۞۞۞
صوت چـفّـي عالصدر وكت اللطم
يعني صرخـة رفـض في وجه الظلم
حـسيـن راد الـديـــــن ماراد الـحكـم
ولعنة الله أعله الأصوات الـمغرضه
۞۞۞
انـتـه لو تفتهم فـلـسـفـــة البچـي
چـان عن الشيعـه بطلت الحچـي
الـدين طاح وگاله حسين أنتچـي
مدله چف عباس أخوه ونـهـضه
۞۞۞
النـوح ثوره قـائـمـه وهذا الـنعـي
يـنفضح بيه الـدعي وأبـن الـدعي
ليـش خايف من ونيـني ومدمعي
ليش حربك شانـها أعله الرافضه
۞۞۞
دمعـتـي تـرسـم حـزن آل النـبي
عطش وخيام وذبـح نار وسبي
دمعـتـي تـفـضح يـزيد الناصـبي
وكل خليفه بـحكـم ربّـه مارضـه
۞۞۞
للقـيـامـه حـسيـــن بـيـه جـمـرتـه
ومـحـور الكل الوجـود مصـيـبتـه
الـحـمـد لله شـرّفـاني بـخـدمـتـــه
گضه عمري ودمع عيني ما گضه
۞۞۞
نسألكم الدعاء
وسام الشويلي
رد مع اقتباس