كليلهم
كليلهم
كليلهم كل الحجي ..... ممنوع ضم حجاية
وكليلهم عن الصدك ..... شنهو اليحسة وياية
وكليلهم لا نفترك ..... خلي نسد موضوعنة
عيب احنا كدام الخلك ..... مفضوحة كل دموعنة
وكليلهم حبني صدك ..... بس اني ما حبيته
فترة بحياتي وتنكضي ..... والحمد لـ الله انسيته
كليلهم يشتاك الي ..... والشوك طلع روحة
وكدامة لو صدفة انذكر ..... تطلك يتامة جروحة
كليلهم جان الهوى ..... يتنفسة من احجيلة
ولو ترهم ارجعلة بعد ..... اعيون بالي ابجيلة
وكليلهم اني الخنت ..... وعيونة اجتي بعيني
ضيعته مني بلا سبب ..... كون الله لا ينطيني
وكليلهم ما ينسي ..... ذاك السكن بنفاسي
طخيت راسي من مشى ..... وبي جنت ارفع راسي
وكليلهم بس الوفى ..... من عندي جان يريدة
وماريد كلشي لو رجع ..... بس احط ايدي بـأيدة
كليلهم ضحى بعمر ..... ومحد يضحي بعمرة
ولو باوعيت على الصور ..... تخنك صورنة العبرة
وكليلهم ماراح احب ..... اني ايقنت بالشفته
ذلني ومحمد من مشى ..... تمنيت اني العفته
رد مع اقتباس
