في العرق الجديد...الموظف من ينظم معاملة ( خل يحسب حساب كوامة عشائرية وراها)!!
ما اعرف منين ابدي ...
قضية شهدت تفاصيلها باحدى دوائر العراق الجديد
انه الموظف بحكم عمله لما ينجز عمل معين او يوقع على محضر او ( يكون عضو في لجنة تحقيق او استرداد اموال) , ولما هذا العمل راح يمس الغير سواء موظفين او مواظنين عاديين ...فلا يستغرب ان يجوه ورة أسبوع 3 او 4 او حتى 10 معكلين (عكالات التخلف ) يكولوله انت كوم من طرف فلان الفلاني بسس توقيعك محضر بدائرتك تسبب بضرر فلان الفلاني من ورة المحضر!!!!!!!!!
لا تستغربون ...القضية شهدت تفاصيلها
----------------------------------------
المهم ...قانوناً اكو حماية للموظف في القانون العراقي من هذي التصرفات الشاذة ومقرة من قبل مجلس الوزراء انه يعمل بقرار مجلس قيادة الثورة رقم 24 لسنة 1997 وهذا نصه
رقم القرار : 24
تأريخ القرار : 15 / ذو القعدة / 1417 ه
24 / 3/ 1997 م
إستنادا ً إلى احكام الفقرة (أ) من المادة الثانية والاربعين من الدستور . قرر مجلس قيادة الثورة مايأتي : .
اولا ً : يعاقب بالحبس مدة لا تقل عن ثلاث سنوات كل من أدعى بمطالبة عشائرية ضد من قام بفعل تنفيذا ً لقانون او لأمر صادر اليه من جهة أعلى .
ثانيا ً : ينفذ هذا القرار من تأريخ نشره في الجريدة الرسمية .
المشكلة ---- انه لما تشتكي على الي هدد راح ينسجن وبالتالي راح تصير مسؤولية عشائرية مضاعفة (هم ضريت ابنا بلمحضر وتاليها تسجنة )))!!!!!!!!!!!!
واذا عفتها على العشائر...الشغلة هم تبقى جر وعر وما تنحل , وماكو بمنطق العشائر الي تعتمد تهديد من هذا النوع انك تطبق قانون او اوامر جهات اعلى ما يعفيك من المسؤولية !!عشائر 2013 وشيوخها !!!
يعني حبيت اخلي الدرر بالصورة حتى يستفيدو من تجارب العراق الجديد ...وأبصم بالعشرة العراق يصير فدرالية صومالية احسنلة اذا سلم الامر للعشائر واحترمها وانطاها عين...لانه تبرز هذي الطفيليات على الساحة الاجتماعية كلما ضعف القانون وسلطة الدولة
ولا شفت شيخ او خطيب يتكلم بهل افرازات المقيتة مثل هل حالة وغيرها من خلال المنابر ... ويوعون الناس شوية من خرابيطهم مجلبين كال فلان قبل 1200 سنة ورد عليه فلتان ورة 800 سنة !! هية هاي المحتاجينها ...اوووف
....لله درك يا عراق
رد مع اقتباس
المشاركة الأصلية كتبت بواسطة هادي الغراوي
)) بيهم الي انردع من قراه وبيهم لازال صوتة عاليةوالقرار متفعل والمحاكم تطبقه بس منو يجرأ يشتكي وهو متكاوم ...هم مأذيهم بقرارات الحكومة وهم تسجنهم! ههههه مصيبة بس اتوقع الي يوصل لطريق مسدود المحاكم والقانون هية الحل
