صرت خبير ...
احس بيج اشعر بيج اسمع حتى دكات كلبج
ودموعج .. اخ دمرني دموعج
اعرف شوكت تبجين
عندي حالة صارت بية
وكتلج بيهة وانتي كلتي اى صحيح
مرات ابجي فجأة ومن اسئلج انتي بهذا الوقت شلونج كلتي جنت ابجي
هسة اني هم بجيت يعني انتي تبجين
اعرف اعرف
مو اكلج صرت خبير
خليهة دموعج نار تنزل بكلبي
اخسر نص عمري بس افدي اعيونج من البجي
يا نور عيني يا بعد عمري
ليش هيج القدر صار ويانة
اكتشفتج اني
محد يعرفج بكدي
عرفت الرقة والحنان بيج
عرفت الانسانية بيج
عرفت المسؤلية منج
شكد كرهت الي بجوج
وشكد كرهت نفسي لان اني هم بجيتج
انتي ملاك كلج رحمة ما لكيتي بس الصدمات
اسف اسف اسف الى ان ينقطع النفس
لو يقبل القدر ياخذ روحي فداء لاحزانك
ما اتاخر راسا اوقع وثيقة وية القدر واني الربحان
رد مع اقتباس
المشاركة الأصلية كتبت بواسطة جرح الزمان
