هنا

[غانم الشمري]

انته مو من طين صدك مستحيل

انته اضن مخلوق من قالب عسل

والترافه البيك تتدلل عليك

ويوسف من بعيد دنكلك خجل

ماشفت شفاف مثلك بالوجود

وماشفت عملاق مثلك بالزعل

انته من تزعل بعد ماكو هواء

يعني ارض الله تتحول زحل

وما اوصفك بالحجي واصمت اريد

وحته صمتي يريد يلقيلك غزل

من اشوف عيونك التلمع بريق

ما اميز كيف تكوين الجمل

والحواجب جنهن طيور السلام

والشعر مهيوب كل شعره خصل

يعني راح انه اكلك بأختصار

انته ماتشبه احد في هالبشر

من حلاتك دوخت حته الحلا

ومن حلاتك ذوبت حته الصخر

نسمي بأسم الله أذا انته تفوت

أنته تسحر واجب ابطال السحر

أنته من تحلم حلم يفرح اكيد

ومن تفز .....الليل صدك ينتحر

عمي حقه الليل مايعشك سواك

ولو غبت هندس اذا أنته البدر

wechat=ghanim1979

[wafaa ali]

رووووووووووووووووووعه يسلموووووو

[هادي الغراوي]

رروعة شكراً