نبدأ الحوار:_
اي نبدي ليش لاا هع مراحب وردة
*** شخصيه كرتونيه كنت\ي تحبينها ؟؟
جنت كولش احب نيلز ولازلت
*** كيف كنت\ي ايام الطفوله طفل شقى و لا هادئ؟؟
يعني بين بين حسب مايتطلبه الموقف هه
*** ماهي المو اقف اللي عرضتِ\ي فيها اهلك للاحراج؟؟
مااذكر اني عرضت اهلي يوما للاحراج
*** هل كنتِ\ي شخص ذو شخصيه قويه أم مغلوب عليه؟؟
لا هاي ولا هاي وسط مابين الاثنين كنت الاصغر بعائلتي فكنت مدللة كولش فممغلوب عليه ههه
*** موقف حصل في طفولتك كان له دور في تغيير مجرى حياتك؟؟
ماكو اي موقف مهم
*** اكبر عيديه جمعتها شكد ؟؟ ومن منو؟؟
كانت 10دينار من عمي اللي ابغداد وجانت كولش اكبيرة بوقتها يمكن بمنتصف الثمانينات من القرن الماضي هع
*** من هو الشخص اللي كان يقع دائمأ في شر اذيتك..؟؟؟
اخوية دائما جنا نتاكر وبابا الله يرحمة كان يوكف لجنابي ههه
*** من هو صديق طفولتك ؟؟ وهل مستمرهـ علاقتكم الى الان؟؟؟
لا ماكو احد مستمرة ويااه لهسة كانت صداقات وانتهت بمجرد ماخلصنا
*** هل بكيت أول يوم درآسي ؟؟؟
لا مبجيت ههه وكولهم اللي وياية بجو
*** صف لنا أول يوم دراسي وكيف كان ؟؟؟
اتذكر سوولنا اصطفاف وجنت لابسه فستان اصفر وبيه ابيض حلو كولش وبعدين اخنونة للصف جاان مميز
*** اســم دلعك بالطفوله لحد الان ينادونك بيه؟؟ وماهو؟؟
سوزانة ومازلت ههه
*** بطفولتك كنت\ي تبكين إذا مااستحليت الرحلة الاولى بالصف؟ وهل رسبت بماده معينة وشكد جانت درجتك؟
جنت دائما بالرحلة الاولى اللي بالوسط لحد مااصرت بالسادس العلمي وماارضى الا بالوسط بس ما ابجي كان بالتفاق وكنت محبوبة بين صديقاتي فمكان اكو اعتراض على هاي المسئله ومرةمن المرات اجلت الرياضيات علمود المعدل والحمد لله طلعت خوش درجة بيه ورحت قسم رياضيات وهسة اكره اختصاصي كولش هع
*** أكثر لعبه كنت تحب تلعبها مع أصدقائك قبل ؟
والله اهواية العابجنا نلعب خطار ونلعب باللعابات وتوكي وطوبة ههه مظلت لعبة ملعبناها
*** هل عندك لعبه موجوده من صغرك إلى الآن ؟ وماهي؟؟
لا مااعندي
***اكـثـر الحلويات اللى كنـت\ي تحبها\تحبيها ..؟
ماارغبلها كولش احب العصائر هع
*** اسم اول مـدرسه درستك ..؟ شلونه جان مستواك الدراسي ؟
اول مدرسة ست فخرية بالاول الابتدائي ومستواي جان زين
*** هـل كـنت\ي تـعانـين مـن اخـطاء فـي مخـارج الحـروف ..؟
لا ابداا ماعندي هاي الحالة
*** شنو جنت تتمنى تطلع لمن تكبر\تكبرين ؟ وهل حققت حلمك ؟
جنت اتمنى اصير مهندسة بس ماصارت والحمد لله على كل حال
*** هل كان ابوك وأمك يتابعون دراستك ؟
اي كانو ايتابعوني باستمرار
***هل مررت بقصة حب في طفولتك ..(( حب بطعم طفولي..))
هههه يمكن قصص حب طفولية عابرة كانت
*** و أخيرا
اكو شي تحب تضيفه بطفولتك ماذكرناه احنة
سعيدة جدا لاستضافتي معكم
رد مع اقتباس
