هنيالك علية شكد افكر بيك
هنيالك علية شكد افكر بيك
واكول شمعنة انت الشاغل ضنوني
مو اول محب خاطر تشيب الحال
ولا اول جمال تشوفك عيوني
شجاهة الروح يمك ذبت انذار
وليش ارجف عليك وينخطف لوني
حتة الناس كامت تعرف بهالحال
ومااعرف شكلهم من يسالوني
يطبون بصفنتي وعنك يدورون
ويلكوني افكر بيك يلكوني
وصاحت كلهة صاحت هذة باك فلان
وماعندي لكوك وبيك تهموني
تهموني بمحبتك والله لو يدرون
علة الظيم ال علية يضل يواسوني
مايدرون عايفني بمهب الريح
واني وياك عفت المايعوفوني
اليحبوني شكثر والجيتي يتانون
واخجل من كثر ماكام يتنوني
وانت الماتحبني شلون بلة وياك
امرن بيك ومامرن باليحبوني
عفت الي شروني ومن ارد شلون
وهم اسوة بعد وانوب يشروني
حبيتك شجاني وماحسبت حساب
خي عونك علي مو اني خي عوني
متحبني واحبك والمصيبة انوب
اريدك وانهزم من اليريدوني
ومن دونك صرت مااعيش وية الناس
وانت بكل سعادة تعيش من دوني
من سمعو عشكنة اهلنة سدو الباب
ماخلوك اهلك واهلي خلوني
ماخلوك اهلك حكهم يخافون
واني اهلي لمحبتك شلع باعوني
رد مع اقتباس
المشاركة الأصلية كتبت بواسطة رحيل
