السلام عليكم شلونكم
اليوم راح انطيكم طريقه عمل العروك الموصليه وليروح بالكم بعيد هاي الوصفه اني اسويها بلبيت والله مو منقوله
المقادير
نص كيلو جريش ناعم
نص كيلو لحم مفروم دهين يعني بي شحم
3حبات طماطه
3رؤس بصل
باقه كرفس وملعقتين معجون طماطه ملح بهارات المختار
وفلفل حار حسب الرغبه
اما بلنسبه لطريقه العمل هي
نفرم جميع المكونات على حده
نعجن الجريش
ونخلط المواد العدنا ويا الجريش ونضيفلها المعجون
ندهن الصينيه ونضع العجينه ونساويها
بعدها نخلط بيضه مع ملعقه معجون طماطه وملعقه دهن وندهن وجهه العجينه ونضعها بلفرن بدرجه حراره 220
والف عافيه على كلوبكم يااحبابي
رد مع اقتباس
