هنا

[عماد الدين الدراجي]

الحزن خيم عليها وبكت تصفك بديها
اهلنه وين اهلنه اريد اليوم اهلنه
ـــــــــــــــــــــــــ ـــــــــــــــــــــــــ ـــــــــــــــــــــ
رقيه اصــــيح اهلنه ليش عفتوني
ترا من الضيم وشل مايها عيوني
شلـــون انه وحــــيده انتم تخلوني
مــن تمشون غيــر انتم تودعـوني
حزن شافت وذيه تمنتـــها المنــيه
شلون يطش شملنه اريد اليوم اهلنه
ـــــــــــــــــــــــــ ـــــــــــــــــــــــــ ـــــــــــــــــــــــ
يـــهل عــالم اريد الوالي يبـــرالي
شلون بدار وحشه يصير انه حالي
بمــجانك بويه اشوفك وتراوالـــي
بعــد شصــبر يبويه نمـرد دلالــي
اصيح بعتـــبت الــدار يبويه وكلبي محتار
انكطح ياحيف املنه اريد اليــــوم اهلنه
ـــــــــــــــــــــــــ ـــــــــــــــــــــــــ ــــــــــــــــــ
يادار شعــلامــــج ماتحــاجينــي
ويـن الاهــل بس ارجوج دلينــي
اضــــل مندومه عمري لاتخليني
وكضي هل زمن يهمل دمع عيني
يهل دمعي وانادي اضل بين الاعادي
اخلافك ياهو الــنه اريد الـــيوم اهلـــنه
ـــــــــــــــــــــــــ ـــــــــــــــــــــــــ ــــــــــــــــــــ
يلاهي شنذبي اضلن انه محتاره
وكلبي اعله الاهل لاماطفت ناره
اضل بين الزمن ياوسفه وشراره
ابوي اشلون اريدن اعرف اخباره
يدهري انضر لحالي اضــل بلايا والي
ابـوي اصل المــحنه اريد اليوم اهــلنه
ـــــــــــــــــــــــــ ـــــــــــــــــــــــــ ـــــــــــــــــ

خادم اهل البيت لاتنسونه
بالدعاء ارجوكم اذكرونه

عماد الدين الدراجي

[المحاميه شهد المعموري]