هنا

[Sally]

شكرا إلج سالي على الموضوع و المعلومات

حاليا .. مستوى المواصفات المتعارف عليه او الاعتيادي ارتفع عما كان عليه قبل عدة سنوات .. حاليا اللي يريد يشتري لابتوب (اعتيادية) لازم تحتوي على الأقل على هذه المواصفات

1- معالج انتل Core I3
2ـ 4G رام
3- قرص صلب بسعة 500G
4- كارد شاشة 512G

هذه هي اقل مواصفات للحاسبة (الاعتيادية) او المتوسطة بهذه الايام .. ممكن تكون اقل بس تكون دون المتوسط .. و الأفضل طبعا (بتوفر الفلوس) هو الارتفاع بالمواصفات (مثلا معالج انتل Core I7 و رام 6G)

بالنسبة لتصنيفات و اصدارات معالج AMD ما اعرف عنها .. و لا اكدر اقارنها بانتل ..بس .. اللي اعرفه أنه معالج AMD يحتاجله تبريد و مو خيار صحيح بظروف العراق

تحياتي

شكرا للمعلومات سالي

سامر اضل مواصفات مع الاسعار تعرف ؟؟
يعني بدون ما احك راسي وراها ؟؟

بالنسبة للاسعار كلمن يبيع بكيفه (اولا) ثانيا .. الاسعار كذلك تختلف حسب الماركات

الأسعار مثلا بشارع الصناعة ارخص بهواي من الكوت (و كذلك خيارات المواصفات) .. بس ممكن تكون البصرة ارخص من شارع الصناعة .

بالنسبة للماركات مثلا توشيبا core i7 لكيتها بـ 900 و كسر دولار .. بينما الـ HP تلكيها الف و كسر .. و طبعا ممكن الفرق هذا يكون بسبب الإضافات (مث البلوتوث و الوايرليس و ال... إلخ .. ) بكل حاسبة .. احسن شي تدري شنو ؟ تاخذ شارع الصناعة عرض بطول فد عشر مرات تخصصله صبحية لحد ما تلكي افضل مواصفات باحسن سعر

سالي طبعا الموضوع كنت ابحث عن مثله بس الظاهر فات الأوان لأن اشتريت ههههههههههه وسامر نصيحتك بمحلها بخصوص ان تفتر شارع الصناعة واني طبعا كلفت شخص الة واهس راح جابلي اربع صفحات مطبوعة بمواصفات الحاسبات واسعارهن والماركات الموجودة واختاريت اللي يناسبني من المواصفات
طبعا تبقى المسألة ألأهم على ألأمكانية وكل انسان حسب احتياجة للجهاز واستخدامه

الف شكر لموروكم وارائكم نورتوا