نصائح عامة للبنات ، ياريت تقرئوها لانها مهمة قوي وتمنعك من الوقوع في مشاكل كتير
1- لا تثقي في الراجل 100 % ، فإحتمال كبير ان الرجل يلعب بديله ، فخليكي دايما حذرة بس اوعي تحسسيه علشان ميحصلشي مشاكل
ونصيحة في الحالة دي لو اكتشفتي انه لعب بديلة ، فإتكلمي معاه براحه وفهميه ان ده غلط وانه ميرضاش انك تكوني في الموقف ده ، ولو كررها حاولي تبعدي عنه شويه بس طبعا متقصريش في حقوقه ، على الاقل الاكل والشرب .
2- إوعي تتعودي انك تردي على جوزك او تهينيه او تحسسيه بحاجه زي كده ، لان كرامة الراجل دايما عالية قوي وبالذات مع مراته ، بيحتاج دايما يحسن انه الراجل ، فدايما حسسيه انه الراجل في كل حاجه ، ولو هوه من النوع اللي بيحب ياخد رأيك في كل حاجه ، إديله رأيك بس قوليله أولا وأخيرا الرأي رأيك يا حبيبي .
3- إوعي تحسسي الراجل انه ضعيف بالذات في العلاقة الحميمة ، وحاولي دايما تظبطي نفسك على حسب قدرته وقوته ، ودايما خليكي صريحه معاه علشان يقدر دايما يكون صريح معاكي ، ولو حسيتي في يوم انه مش قادر او تعبان ، متحسيسيهوش انك فهمتي كده واعملي نفسك عبيطه وخليكي انتي اللي تعبانه .
4- اوعي تطلبي منه حاجه هوه مش هيقدر عليها سواء اكانت مادية او معنوية ، لان ده بيأثر فيه جدا جدا
5- متتعوديش تحكيلة عن اسرار صحباتك وأزواجهم ، وإوعي تحسسيه ان زوج صحبتك كويس او بيقدرها او غيره ، يعني متقارنيهوش بغيره .
6- 90 % إذا مكنشي النسبة 99% من الرجاله او شباب اليومين دول بيتفرجوا على افلام جنسية ، ومشكلتها انها إدمان ولازم الراجل شويه شويه يحاول انه يبعد عنها ومشكلتها الكبيره ان في رجاله كتيير بتحاول انها تعمل اللي بتشوفه مع زوجاتهم والمشكلة الاكبر ان يكون الحجات دي حرام او غريبة ،وفي كل الحالات ، نصيحة ، اعملي كل اللي تقدري عليه إلا الحرام ، طالما تقدري تجربي وحولي تساعدية شويه شويه ، ونصيحة دايما إسأليه تحب ايه يا حبيبي وهكذا ...
7- الرجل زي الطفل ، بيحب اللي بيهتم بيه بس مش زيادة عن اللزوم ، ومتبقيش زنانة ، أغلبية الرجاله مش بيحبوا الست الزنانة .
8- لو انتي مش متجوزة ، يعني مخطوبة او غيره ، إوعي تثقي في الشباب ، ودي نصيحة صحيحه جدا بنسبه 100% ، إوعي تثقي في الراجل 100 % ، ودايما خليكي في الsafe side يعني اوعي تعملي حاجه حرام او تندمي عليها في حياتك
9- اوعي تشتري كاميرا للنت وتفتحيها ، سواء لولد او بنت، في برامج تسجيل للكاميرا والشات وخليكي دايما زي ما قلت في الأمان .
-10لو عندك اطفال ، نزلي برامج مراقبة على اللابتوبات والكمبيوتر الشخصي ، علشان تعرفي ابنك بيعمل ايه
11- حاولي تكون قريبه من اولادك دايما بس بطريقة كويس تخليهم دايما يحكولك على كل حاجه بالذات البنت ، لان تربية البنت صعب واحنا بنمر بأيام وحشة قوي
12 - حاولي كل فترة تتابعي زوجك بس من غير ما ياخد باله وأطلبيه دايما بحجه انك تطمني عليه بس اهم حاجه انه ميحسش ، وياريت تديله فرصة كل فترة ولو مرة في الاسبوع انه يخرج مع اصحابه علشان ميحسش انه مخنوق والراجل دايما بيحب يرجع لأيام العزوبية والشباب .
13 - مشاكلك خليها في بيتك بس ، وإوعي تحكيها لحد او يدخل فيها حد من بيتك او من بيته، إلا في الضرورة القسوى ، وصدقيني كل ما اتعاملتي من اهله كويس كل ما حبك اكتر واتعامل معاكي احسن ، ولو في اي مشكلة معاكي ومع اهله ،حاولي تعديها او تحكيله عليها براحه وبطريقة كويسه .
14- اوعي تحرجيه قدام حد او تحطيه في موقف صعب او لازم ياخد فيه قرار وبسرعه ، علشان متحرجيهوش .
15- لو شوفتي اي حاجه غريبه عليه او زعلان من حاجه ، حاولي تهزري معاه وتكلميه براحه ، ولو حسيتي انه هيزعل اكتر ، سيبيه وكلميه وقت تاني ، بس اوعي تتجاهليه .
16- الصداقة بين الولد والبنت غير معترف بيها وبلاش في كل الحالات ، حتى لو حسيتي حسن النية ، فهتبان لما يتقدملك ، وبرده حتى لو كلم والدتك ، متديلوش أمان الا لما يتقدم رسمي ويتوافق عليه .
17- شباب كتير قوي بيحاولوا يتحرشوا بالبنات ، فدايما خليكي حذرة وخليكي جاهزه دايما لأي موقف ، وعامله حسابك هتقولي ايه وهتعملي ايه وربنا معانا كلنا .
18- لو اهل جوزك بيعملوكي وحش ، حاولي على قد ما تقدري تعمليهم كويس ،لان ده كله لله ثم لجوزك ، فأكيد هيحترمك اكتر واكتر لما يلاقيكي بتعملي كده علشانه .
29 - اوعي تعايري جوزك بأي حاجه حتى لو كانت بسيطه واوعي تتعودي انك تشتيمه ولو بالهزار ، ودايما كوني القلب الحنين اللي بيحب يرجعله دايما ، وخليكي صاحبه القريب منه اللي يحب يحكيله عن كل حاجه .
منقوووووووووووووووووووووو ووووووووووووووووول
على فكره الموضوع منقول عن واحدمصري كاتباه يعنى اللى جوا انا مش مسؤل عنه
رد مع اقتباس
المشاركة الأصلية كتبت بواسطة wafaa ali
