تتذكرين؟
اول لقاء النة؟
كل يوم الساعة الثامنة الصبح تمرين من جانبي
اول ايام جنتي ما تشوفيني
ما تشوفيني اشلون اجمد بمكاني
ما تسمعين دكات كلبي
عبالك يريد يطلع من صدري
والمفاجئة الحلوة
اليوم الرابع
انتظر انتظر انتظر
وجيتي كالمعتاد
الثامنة الصبح توقيتك مضبوط دائما
هالمرة شفتيني التفتي علية
ارتبكت احتاريت شسوي
الله شكد لطيفة انتي
شفتيني مرتبك ابتسمتي
ضلت عيوني عليج الى ان غبت في نهاية الطريق
اليوم الخامس اتشجعت شوية
عفت الشغل وطلعت ببداية الطريق
سويت نفسي اشتري من المحل
وصلتي يمي
عيونج بيهة كلام
بيهة ضحكة طبعا عرفتي الحيلة
صباح الخير
رديتي باحلى صوت سمعته
صباح النور
اليوم السادس السابع الثامن الى خمسة اشهر
من اجمل ايام حياتي معك يا نور عيني
يا ارق انسانة عرفتها
يا اطيب نسمة كلها حنان
اين انت الان
اخسر نصف عمري بس اعرف
بعدهي دموعج رطبة على ايدي
بعدة عطرك اشمة كلما اتذكرج
مرات اروح لذاك الشارع
اضل اباوع للمكان الي التقينة بي
تروح ناس وتجي ناس واني اباوع وروح بغير عالم
تدرين؟
مرة سيارة اجت تضربني بس واحد دفعني عن السيارة
العجيبة التفتت اريد اشكره
ما لكيت احد
يمكن هذه روحج انقذتني
كل ليلة ما انام قبل ما ابجي شوية عليج
حبيت السواد من بعدج
صديقي يلوم بية دائما
مشدوه بس خيالج كبالي
صوتج اسمعة بالحقيقة بس اكول لا خيال هذا
كليلي شنو حياتي اني
لج مو دمرتيني يا بعد عمري
ادري انتي ما عفتيني
بس القدر فرقنا غصبا علينة
ما ضل عندي غير الكلمات والخواطر
احس انتي جاي اتسمعيني
يمكن الانترنت ينقل مشاعري الى قلبك الطاهر الحنون
رد مع اقتباس
المشاركة الأصلية كتبت بواسطة جرح الزمان
