درر العراق

الفارس الحر · 23/November/2013

فى احدى ندوات التنمية البشرية … وقفت احدى الفتايات وسألت سؤال غريب وكان كالتالى : تقول الفتاة
انا كـ بنت فيا عيب فى الشكل صعب جدالأي شاب انه يتقبله حاليا . و المشكله اني انا نفسي رافضه العيب دا وبحاول اغيره بقالي 6 سنين وبفشل .وارجع احاول وافشل , مبقاش عندي قدره اني اجرب تاني تعبت انا محطمه نفسيا
والعيب ده خلانى افقد ثقتى فى نفسى وفى تعاملاتى مع من حولى
فرد عليها دكتور المحاضرة قائلا :
هحكيلك حدوتة طويلة شوية فاستحمليني :))
في أحد السنوات الماضيات كنت ضلع نافذ في أحد الأعمال التطوعية الشهيرة ضمن مجموعة كانوا يطلقون عليها اسم ( الصفوة ) .. وكانت فعلا المجموعه بها صفوة الصفوة.. فمثلا معدلات الذكاء والشكل الحسن ولباقة العلاقات العامة كانت مرتفعة جداً للجنسين في هذه المجموعة وفي أحد الأيام وجدنا ال ( بيج بوس ) بتاعنا داخل علينا وبيقولنا فيه شخص جديد هيجي علشان يشتغل معاكم ، توقع الجميع إضافة ممتازة للجروب المميز أساساً ، عشر دقائق ودخل علينا الشاب ..
قصير القامة جداً .. شكله _ علي مقاييس التقييم البشرية _ قبيح جداً وذو حسنة من النوع الظاهر والكبير طبعاً مع القبح .. يتلعثم في الكلام .. ملابسه ذكرت المجموعة بفطوطة حرفياً
طبعاً دب التذمر في المجموعة وذهب البعض فعلاً ليعلنوا رفضهم للشاب ، بإختصار ( مش عاوزينه بأي شكل ) .. طبعاً شد وجذب وفي النهاية أصر قائد المجموعه علي عمله معنا وكان علي الجميع الرضوخ صاغرين ..
في البدء كان إكتشافنا الأول أن الشاب الجديد اقل مايقال عليه انه ( دينامو ) رهيب ، لم أقابل حتي الآن وعلي مدار علاقات متشعبة في كل مكان ل 7 سنوات أي شخص يقترب حتي من نشاطه .. حتى قلت فى نفسى ( الشاب ده ده اكيد بياخد منشطات) .. عمله حقيقة كان مبهراً وكان يستطيع إنجاز عمل ثلاثة أشخاص في نصف المدة التي يستغرقها هؤلاء الثلاثة ..
الإكتشاف الثاني أنه كان عبقرياً في الحاسوب ..

الإكتشاف الثالث أنه كان مخططاً إستراتيجياً من أعلي المستويات اللي شوفتها ( الخطط اللي حطها فرقت مع المجموعة فعلاً )
الإكتشاف الرابع أنه صلي بنا مرة فكان صوته كتغريد الكروان في فجر يوم طيب ..
فيما بعد .. أصبح الفتي قلب المجموعة بلا نقاش ومن نلجا إليه دوماً
ويكمل دكتور المحاضرة قائلا :

عيب
.. كل الموضوع إننا في عالم مادي تماماً يتعامل بالشكل .. هذا بدين .. هذا شعره خشن .. هذا قبيح أو ملابسه سيئة .. هذه ( وشها بيجيب عفاريت ) .. طبعاً عالم مادي عفن جداً .. كل ده ليس له أي قيمة وقابل للتغيير فإن لم يكن فقابل للإختفاء ..
أتمني منك إنك تركزي علي ما يميزك .. واعرف جيدا واقدر معاناتك تماماً.. لكن بهذا الشكل ستدمرى نفسك بإيدك .. الأفضل أن تكتشفي نفسك بعيداً عن الشكل .. واللي هيتجوزك علشان شكلك هيسيبك علشان نفس السبب :)