تعبنه من الحجي ومضرب الامثال
وتعب حته القلم والحبر مل منه
بصبر ايوب كمنه نلملم بهل الدين
رغم ايوب ما شاهد نهر دمنه
عشر سنين عشنه وي الضياع اخوان
نموت علَ الهويه الشيعه والسنه
وتوحدنه بشعار الوحده للاسلام
لجن واضح شعار الساسه مو النه
نصيح الغوث يارب الكرم والغوث
يمته المهدي يطلع حته ينجدنه
يبن الحسن شماعه اصبحت للناس
كله تصيح كوم اليوم خلصنه
عجيب الزمن شفته اشلون ينعاد
وتصورت الطفوف وساعة المحنه
بمكاتيب ورسل لحسين خاطبناه
يبن بضعة محمد كوم ولحكنه
حكمونه اهل الرجس بسياط الانذال
ونريدك تجي يحسين تحكمنه
من صارت صدك بالحومه عفناه
ولبن مرجانه رحنه وكمنه ناصرنه
بجينه سنين يشهد لطم الصدور
وتبنه من الخطيئه وشيعه الك صرنه
وفزعنه بثارك وردينه بالثار
مثل جيش النبي سليمان مفزعنه
طلعنه بجيش سد عين الشمس بالكاع
تشوف سيوف تعكس ثار مطلعنه
واجينه اليوم جن الامس ماصار
لجن نفس المسلسل والفلم نفسه
يجينه الظالم يعيش بدمانه سنين
وتقيه نصيح خاف نطيح بالفتنه
يعني شلون دمنه برخص التراب
ودم الكاتل اغله يصير من دمنه
فلوجه ورمادي تصدر ارهاب
والانبار العفيفه تريد تحكمنه
حكم وهابي ماكام بشرع وبدين
يكولون العراق نريده بس النه
وصل حد الصبر وياكم بهاي
واتنطر بشاره بفزعة ازلمنه
ولتطوخ زياده الكحل يعمي العين
تره تشوف الزلم لو صار مطلعنه
وحك ذاك علي ومن نزل القران
نخليكم رماد بزود فزعتنه
ونكوم بجيش مايتنطر المنظور
تره بشوك وامل مهدينه ينطرنه
ونشيل الرايه ذيج انرفعت ابصفين
لتأمل بالفتاوي من الله فتوتنه
جزعنه من الظلم والجور مليناه
ياناس الجبن مانوصف بشيمنه
نريد النهضه نهضة حيدر الكرار
ومثل عباس نفزع ساعة المحنه
نعيش احرار دنيانه بلا خوف
منذل الجباه حسين علمنه
رد مع اقتباس
