كل حرف للامام علي عليه السلام له بيت في قلبي
الف :- انت في بدر وأحد محد لواك**وانت وحدك بالحرب جنك بدر
باء :- بمعركة لحزاب جندلت ابن ود**وكلهة صارت يا علي متيهة الفكر
......
تاء :- تهت عن كل ولي وعنك ما اتيه**هو من الله الك هذا الامر
ثاء :- ثاري هاي الناس هامت في هواك**واليهيم بحب علي شكد مفتخر
جيم :-جبت عمرك في صيام وفي صلاة**وما رددت ابيوم ابدا سائلين
حاء :- حيرت كل البشر في منهجك**علي قران ونزل للعالمين
خاء :-خوفت الانس والجان من زودك**لان راية محمد شده بزنودك
دال :- دنيا ما بيهة علي شتظن تصير ؟؟ج/هاي مو دنية ,,خراب وما تصير
ذال :- ذليت الكفر يا حيدر بيمناك**ياهو العندة زود ومرجلة ولاواك
راء :- ردت احب غيرك علي واحد بديل **بلا وعي يا حيدرة اعشكت الكفيل
,,,,,,مو لان عباس سبع الكنطرة**اعشكته جي صورة علي حامي الدخيل
زاي :-زامطت ابمحبتي وعشكي للكرار**لأن من الله اتنصب علي
سين :- سيفك الفقار ما واحد لواه**سيفك التشهدله صفين وحنين
شين :- شرفت بيت الله انت بمولدك**موش بيت الله تشرف هو بيك
صاد :-صرت مولى يا علي بامر الاله**الله يلعن سيدي كل مبغضيك
ضاد :-ضوت الاملاك والله بمولدك**تدري شع الكون يا حيدر الك
طاء :-طاحت الافلاك يوم اللي طحت**لان كل الكون يا حيدر جنت
ظاء :- ظليت وين الدرب شفت الدرب وياك**عاينت شفت البشر كل البشر تنخاك
عين :- عابد انت وزاهد ومصلح زمان**العاف كلشي ودخل حصنك,,يعني داخل للجنان
غين :- غبت؟لاما غبت يا حيدر الكرار**نهج انت او صراط او واضح او مغوار
فاء :-فزت ورب الكعبة انطقهة**حيدر اخر جلمة بعمرة
قاف :- قرآن الاله وصورك انسان**يعني انت كتاب الله والمصحف
كاف :-كتاب امنزل امن الله وآية**بيك انت علي مولى وخليفة
لام :- لعد ليش انقضوا هالبيعة وياك**وبدلوا آية من الله بسقيفة
ميم :-محمد بالوداع اشكال؟موش اعلنه طك بطك
نون :- نورت هذا الكون يوم انت هليت**يا ساقي الكوثر يا اول اهل البيت
هاء :- هامت الاكوان في حبك علي**علي للمهموم كل هم ينجلي
واو :- وين الكة مثلك وين يا نور العيون**شما تحجي خل الناس بيك انة مجنون
ياء :- ياربي لهل البيت خليني خادم**و بحب علي الكرار ثق ما اساوم
رد مع اقتباس
المشاركة الأصلية كتبت بواسطة Suzana
