باراك حُسين اوباما التانى ( مواليد 4 اغسطس1961) هو رئيس الولايات المتحدة الامريكية الاربعة و الاربعين ,و كان سيناتور امريكي عنولاية إلينوي و اترشح عن الحزب الديموقراطى و كسب الإنتخابات يوم 4 نوفمبر سنة 2008 على المنافس الجمهوري جون ماكين. اوباما هو اول امريكانى-افريقى يدخل البيت الابيض كرئيس للولايات المتحدة الامريكية. و النايب بتاعه هو چو بايدن.باراك اوباما من مواليد هونولولو، هاواى وأصلاً كان محامى متخرج من جامعة كولومبيا و كلية هارفارد للقانون. و اشتغل مستشار للحقوق المدنية فى شيكاجو ، و محامى و درٌِس القانون الدستورى فى كلية الحقوق جامعة شيكاجو فى الفتره من سنة 1992 لسنة 2004. أوباما خدم تلات فترات فى مجلس شيوخ ايلينوى فى الفتره من سنة 1997 لسنة 2004. أخد جايزة نوبل للسلام سنة 2009 كحافز للعمل على تحقيق السلام فى العالم.
حياته
اوباما اتولد فى هونولولو في ولاية هاواى يوم 4 اغسطس ,سنة 1961 ,[4][5][6] من اب كينى من نيانزا ف كينيا من عيلة مسلمة ( باراك اوباما الاب) و ام امريكانية إسمها ستانلى آن دانهام كانت من اصول انجليزيهايرلانديه و ألمانيه ، و كانت من ويتشيتا ،فى ولاية كانساس،[7]باراك أوباما هو أول رئيس لأمريكا من مواليد هاواى.[8][9]اتقابل ابوه و امه سنة 1960 و هما طلبة بيدرسو ف جامعة هاواى و لما كان عمره سنتين، انفصل ابوه عن امه و بعديها اتطلقوا و رجع الاب لكينيا و ماشفش ابنه تانى غير مره و احده و بعديها مات في خادثة عربية سنة 1982.اتجوزت امه بعد كده مهندس بترول من اندونيسيا اسمه لولو سويتورو و راحت الاسرة اندونسيا و عاشو ف جاكارتا لحد ما وصل عمره عشر سنين و بعديها رجع هاواى و عاش مع جده و جدته من ناحية امه ميدلين و آرمور ستانلى دونهام ، حضر المدرسة من الصف الخامس سنة 1971 و اتخرج من المدرسة الثانوى سنة 1979.[10] سنة 1972 رجعت والدة اوباما لهاواى لمدة خمس سنين . و سنة 1977 رجعت اندونيسيا, و فضلت هناك لحد اما رجعت تانى هاواى سنة 1994, و اتوفت من سرطان المبيض سنة 1995.[11]أوباما قال عن مرحلة طفولته "شكل والدى كان مش شبه اى حد من الناس اللى حوالايا -- لأنه كان اسوِد ، و والدتى اللى ببضا زى اللبن الحليب -- بالكاد متسجله في عألى." [12]بعد المدرسة الثانوية ، راح أوباما يدرس فى كلية اوكسيدنتال فى لوس انجليس سنة 1979 [13] و فى فبراير 1980 قال أول خطبه، طلب فيها من اوكسيدنتال سحب الاستثمارات من جنوب افريقيا.[13] و سنة 1981 ، سافر اندونيسيا علشان زيارة والدته و أخته مايا ، و زار عائلات أصدقا فى الهند و باكستان لمدة تلات أسابيع.[13]باراك اوباما اتخرج من كلية هارفارد للقانون- جامعة كولومبيا سنة 1991 بدكتوراه فى الأانون(magna cum laude باللاتينى) .[14][15] و سافربالى علشان يكتب لعدة شهور الكتاب اللى إتنشر سنة 1995 بإسم أحلام من والدى
حياته السياسيه
اوباما كسب انتخابات مجلس الشيوخ فى إيلينوى سنة 1996. واستمر سيناتور تلات فصول فى مجلس شيوخ إيلينوى فى الفترة من سنة 1997 لسنة 2004. أوباما قال الخطاب الرئيسى في المؤتمر الوطني للحزب الديمقراطى فى يوليو 2004, و كسب انتخابات مجلس الشيوخ فى نوفمبر 2004.
حملة الانتخابات الرئاسية 2008
شوف انتخابات رئاسة امريكا سنة 2008باراك اوباما أعلن ترشيح نفسه رئيس للولايات المتحدة يوم 10 فبراير2007، قدام مبنى كونجرس إلينوى فى سبرينجفيلد،[16][17] إختيار مبنى كونجرس إلينوى كان إعلان رمزى لأنه كان مكان خطبة ابراهام لينكولن التاريخيه "البيت المنقسم" فى سنة 1858.تم ترشيح المرشح الجمهورى جون ماكين و دخل الاتنين ف تلات مناظرات رئاسية ف سبتمبر وأكتوبر 2008[18]. و يوم 4 نوفمبر، كسب أوباما الرياسه لما كسب 365 صوت انتخابى و ماكين كسب 173 بس.[19] أوباما كسب 52.9٪ من الأصوات الشعبية و ماكين كسب 45.7٪
حملة الانتخابات الرئاسية 2012
شوف انتخابات رياسة امريكا سنة 2012باراك اوباما أعلن ترشيح نفسه رئيس للولايات المتحدة لمده تانيه و أخرانيه ف انتخابات رياسة امريكا سنة 2012 و مرشح الحزب الجمهورىكان ميت رومنى و دخل الاتنين ف تلات مناظرات رئاسية ف أكتوبر و يوم 6 نوفمبر كسب باراك اوباما الإنتخابات.اوباما مسيحي الديانه
حياته الخاصه]
اعترف اوباما مرة انه جرب الكوكايين و الماريجوانا (البانجو) و هو مراهق. و قال عن استعماله المخدرات إنه كان "أكبر فشل أخلاقي " ليه.[20]ام باراك ماتت سنة 1995 من سرطان المبيض.اوباما متجوز امريكانية-افريقية اسمها ميشيل روبينسون (دلوقتي ميشيل اوباما) و عندهم بنتين: ماليا آن و ناتاشا (ساشا).
كتب
باراك اوباما الف كتب كتير و لكن اشهرها (احلام من ابويا) و اللي حكى فيه عن طفولته و مراهقته و المشاكل العرقية اللي واجهها و الكتاب التاني المشهور هو (جرأة الامل) و اللي اتكلم فيه عن مشروعه السياسى و افكاره و اراءه الحزبية.
صورته الثقافيه و السياسيه
ثقافة و تعليم اوباما مختلفين بشكل كبير و ملحوظ عن السياسيين الأمريكان-الأفارقة اللى كانو ف ستينيات القرن العشرين بيتزعمو و يشاركو فى حركة الحقوق المدنية فى أمريكا.[21] و خصوصا من ناحية عيلته و إنه إتعلم فى واحده من جامعات رابطة اللبلاب. اوباما بيتقال عليه إنه خطيب استثنائى .[22] و حسب منظمة جالوب ، إبتدا أوباما رياسته بنسبة تأييد 68٪ [23] لكن نسبة تأييده نزلت بالتدريج لحد ما وصلت أدنى مستوى 41٪ ف أغسطس 2010 ,[24] زى ما حصل مع رونالد ريجان و بيل كلينتون ف أول سنينهم ف الرياسه.[25] .
ديانته
باراك اوباما إتعمد سنة 1988 فى كنيسة الثالوث المتحدة للسيد المسيح و كان عضو نشط هناك لمدة عشرين سنه [26] و يوم 27 سبتمبر سنة 2010، أصدر أوباما بيان عن وجهات نظره الدينية قال فيه :أنا مسيحى عن طريق الاختيار ، وبصراحة ، عيلتى ما كانتش من الناس اللى بيروحو الكنيسة كل أسبوع وكانت أمى واحدة من أهم الناس الروحيين اللى كنت أعرفهم ، لكنها ما ربتنيش فى الكنيسة ، علشان كده إيمانى المسيحى بعدين فى الحياة ، وكان ده بسبب تعاليميسوع المسيح[27][28] و وضح أوباما إزاى إنه بسبب شغله مع كنايس السود باعتباره منظم مجتمع ف العشرينات من عمره إنه فهم "إوة تقاليد الأميركيين الأفارقة الدينية لتحفيز التغيير الاجتماعى".[29]
جايزة نوبل للسلام
باراك اوباما مع ثوربيورن ياجلاند ف مراسم تسليم جايزة نوبل للسلام سنة 2009
لجنة جايزة نوبل للسلام منحت باراك اوباما جايزة نوبل للسلام سنة 2009 علشان جهوده فى تحسين العلاقات الدوليه و كحافز لتحقيق السلام فى العالم.
رد مع اقتباس
