ما بين الخيم والماي نقطه مستحـه وخوه
ما بين الخيم والماي كلــــمه عهد ومروه
ما بين الخيم والماي ربطه شارب بنخوه
ما بين الخيم والماي دعوه مــــوت
وابو فاضل العازم صاحب الدعوه
مد سفره منايا من الخيم للمـــــاي
وعزم حتى النهر خلا جثث يروه

ما بين الخيم والماي كفاله وكافل ومكفول
الكفاله بلا ختم وشهـود
الكفيل بلا نحر وزنـود
بس لازم يوصل الجود
والمكفول واكف طود

ما بين الخيم والماي معلم ومدرسه وطلاب
المعلم غيره العبـــــــاس
وعنوان الدرس نومـاس
والطلاب كل النـــــــاس
خذوا اول درس احســـاس
وخذوا ثاني درس شد باس
ودرس ثالث علو الـــرأس
ودرس رابع غميك الساس
ودرس خامس درس سادس
درس مليون اهو العبـــــــــــاس

ما بين الخيم والماي منصة وشاعر وجمهور
المنصة جـــــــــروح
والشاعر نحر مذبوح
وعنوان الحفل مكتوب فوك اللوح
والجمهور صبر أيـــــوب
عصى موسى سفينة نوح
كلهه تنوح ......

ما بين الخيم والماي صوت أم البنين يدور
ما معذور .... ما معذور
يلربيتك لعاشور
ما معذور .....
يا هيبة شوارب ياهو ما طك نور
ما معذور .....
ردتك للعقيلة تضل عمر ناطور
خافن نية عدهم يوصلون السور
جيم بروسهم يل مروتك تنـــور

ما بين المخيم والماي صوت من المخيم لاح
صوت سيوف
خض رمـــاح
اضن راعي الكفالة الطاح
رد احنه بعازتك يا ليتك سباح
احنه بعازتك يلشيمتك قــــداح
.
.
.
.
.
وباقي القصيدة لم تصل الي بعد
وسنوافيكم بالباقي قريبا ...
قرأت القصيده لاول مره بتاريخ 2013/11/16
في المجر الكبير / ميسان