تعبت من الصداقه وضيم الايام
ردت بس مره افهمهم كلامي
صديق الجنت احسبه زين وياي
سلمت وبالجذب مارد سلامي
رجعت اعليه كتله اشبيك يفلان
وبنظرت تعجب وكف كدامي
سكت والسكته سكته وماطلع صوت
رد اعليه حلفته ابيامي
بعد كل هل تشحرج رد حجه وكال
انه اترجاك بس افهم غرامي
كتله اشبيك قابل غالط وياك
رد كال اغلطت انته ابمنامي
مو كلهه صدك ياخيي الاحلام
كال اني صدك تطلع احلامي
كتله اشبيك هسه وليش زعلان
كال انته خنتني وشفت ثاني
راق لي
كتله اشلون ابدلك وانته دنياي
وانته النفس بيه وانته شرياني
كال اسمع تعوفه وتجي وياي
لو وياه تمشي وبعد تنساني
منو هاذا الاعوفه وبعد ماحاجيه
راح وحدي ابحيرتي خلاني
متعجب حلم ويغير الناس
بس تدري كلامه حيل اذاني
اذا هاذ اليحبك اتغيره الاحلام
ياقلبي اليضدك منه شمتاني
رد مع اقتباس
