- لا تظن عبــــــــــــــاس مگطوع الجفوف
لا.. وابد .... مـــــــــــــا گطـّعوا چفـّينه
صح وگع يم النهــر .... بس انته شوف
شلون وكت ازيـــــــــــــــــارته ايلاگينه
ولا تظن عبـــــاس .... ما بين الطفوف
صابوا بسهم الحقــــــــــــــــد فص عينه
يعني تعقل هاي .... من انمـــــــر عليه
بعين وحده يشوفنه اشمــــــــــــــــا بينه
احنه شنهـــــــو وحتى نفرض بالأساس
نگول يم العلگمـــــــــــــــــــ ي موسدينه
يعني زينب من سبوهــــــــــه بلا كفيل
حايره وعطشــــــــــــــــانه يمهه سكينه
ولو فرضنه ونقتنع .... ومن المحــــال
يصبر ايشوف الضعــــــــــــــن سابينه
ادري بالعبــــــــــــــــــاس ما يقبل اكيد
ضعن زينــــــــــــــب مسبي ومگيدينه
اشلون زينب تنچتف وانتــــــــه الكفيل
وعل هزل سجــــــــــــــــادهه مچتفينه
اشلون ترضــــــــاهه يبن حيدر عجيب
وانته سبع الگنطــــــــــــــــــره مسمينه
اشلون راس حسيــــــــــن گدامك يلوح
بيا عذر يتعـــــــــــــــــــذّر من حسينه
راس صـــــــــــد للراس والمدمع يسيل
او واحد ايعاين لخيّـــــــــــــــــــه بعينه
وزينب تشــــــــــــــــاهد ولكن من بعيد
بيا وضع عبـــــــــــــــــــــاس چ وتنخينه
لا وحگ عبـــــــــــــاس ما معقوله هاي
كمر وبراس القنـــــــــــــــــــــ ا معلگينه
وتسمع العبــــــــــــــــاس من فوگ القناة
صاح يا زينـــــــــــــــــــب وزاد اونينه
انه كافل للضعن وويــــــــــــــاچ اروح
ولو راس وبالسبي تمــــــــــــــــــاشينه
مـــــــــــا اعوفچ لا وحق راس الحسين
انه اخوچ وبالوفـــــــــــــــــــ ـه تعرفينه
والله يـــــــــــــازينب لوّن ردتلي روح
چا سمعتي ابفعلي وتشــــــــــــــــوفينه
وجـــــــــــا وكفتي بطولچ ومحد سباچ
وچا شمـــــــــــــــــر بجدامچ اتسحگينه
لكن الصعبه علي زينــــــــــــــب تكون
من اشـــــــــــــــــــوف المجلس تطبينه
وادري يـــــــــازينب جمع مجلس يزيد
بكلمه منـّچ رايــــــــــــــــــــــ ـــح اتذلينه
وچنهه تسمع زينب الصــــــــوت الكفيل
لكن بيا حــــــــــــــــــــــــ ـــال وتسمعينه
وانتي فوگ النــــــــــــــاگه واچتافچ بديچ
وبالمــــــــــــــــــــ ـــدامع زينب تحاچينه
ويــــــــــــاچ يمشي الراس وايعاين عليچ
ويمچ العبـــــــــــــــــــــ ــاس ضلت عينه
يعني درب الشــــــــــــــام لو مهما يطول
اشما يطـــــــــــــــــــــول الدرب لتخافينه
عل رمح يبرالچ ويفتــــــــــــــــــــر عليچ
ولو جسمــــــــــــــــــــــ ـه ابكربله مخلينه
رد مع اقتباس
المشاركة الأصلية كتبت بواسطة مرتضى التركي
