جنها زينب هاي بـت حامي الدخيل
بس عجيبه انشوفها بلايا أهل


كون اخت عباس تركب على هزيل
يعني ياستار عباس انجتل


هي زينب هاي عل الناقة وتميل
ومن تميل الريح يسندها بخجل


بيها هيبة حيدرا وزعل الجفيل
وبيها صبر حسين لاح وياالزعل


والعجيبة شلووون يحديها الغريب
وانا أعرف زين باطباع الجفََل


وجنه راس حسين ذاك على الرمح
وهذا ياسيف اللي ذبح خير العمل


وين سبع القنطرة وسبع الطفوف
شصبر الراس على رمحه وما نزل


بعينه من شاف الشمر سوطه يلوح
بمتن زينب كيف عباس احتمل


يعني هاي ام الخدر زينب أقول
يعني أيس لاخدرها ولا أهل


يعني لا جفالها يلوح الجفون
ولا أبو الحملات من صاحت حمل


يعني ضلت بين جتال الحسين
وبين سلاب الربى وحضن الفشل


بس على اعناد الوقت وشما يجول
ماتهبط راسها ربات الفحل


هي زينب مايغيرها المصاب
جان على الناقة واذا فوق الجبل