هنا

[علي الواسطي]

تحية طيبة وبعد .....
قبل شوية كنت اقرا قبل شوية بموضوع قديم وهو
تحميل برنامج الريل بلير 1.1.5 sp مع خاصية تحميل الفيديو من اليوتيوب و تحويله إلى صوت

وشرح الاخ سامر كيف يتم تحميل الفديو وبعدها كيف يتم تحميل مقطع الصوت او عزله .
واني عندي سؤال الفديو حملته عن طريق الريل بلير واذا كان عندي فديو محمل سابقا على برنامج الداونلود منجر شلون راح اعزل الصوت مالته بالريل بلير ؟؟؟؟؟؟؟؟
انت شرحك كان على تحويل مقطع الصوت زين عندي مقطع فديو واريد ازغر حجمه او اضغطة شلون ؟؟؟؟؟؟؟؟

[Suzana]

مايقصر ابو مينا انشاءالله

[Samer]

بالنسبة للفيديوات اللي منزلها (سابقا) من اليوتيوب بواسطة الانترنيت داونلود منجر .. و تريد تستخدم الريل بلير بتحويلها .. مجرد تروح على الـ Library بالـ RealPlaer و تسحب الفيديو (اللي منزله) من الفولدر مالته للمساحة مال الـ Library و بعدين تسوي عليه كلك ايمن (داخل الـ Library) و تختار Convert to و تكمل التحويل بالطريقة الاعتيادية مثل ما مشروح بالموضوع الي انته كاتب الرابط مالته


بالنسبة للفيديوات الي مسجلها من الساتالايت او من غير مصادر و اللي تكون صيغتها عادة mpg لازم تستخدم برنامج تحويل أو تحرير الفيديو .. عادة برامج تحرير الفيديو مثل الـ Media Studio و الـCorel Video Editor يسون الغرض المنشود و زيادة (مجرد تستدعي الفيديو كأنه تريد تحرره .. و تصدره بصيغة Mp4 أو تفصل الصوت و تصدره Mp3 على حد علمي إذا تريد تحوله إلى صوت) .. و طبعا التحويل إلى صيغة Mp4 يقلل من حجم الفيديو خصوصا إذا قللت حجم الفيديو (مثلا سويته 480×320 أو اقل ، او تقلل عدد الفريمات (الإطارات) من 25 فريم إلى 15 فريم أو تقلل الـ bitrate إلى أقل حد ممكن بحيث ما يتشوه الفيديو أو تقلل جودة الصوت (المرفق مع الفيديو ) من 128 بت إلى 64 بت أو أقل )

كل هذه الأشياء .. تكدر تسويها بواسطة برنامج محول فيديو بسيط نسبيا (المحولات اسهل من المحررات) .. و دا اسوي موضوع هسة يخص تحميل برنامج إسمه Any Video converter Professional و اللي ممكن استخدامه لتحويل اي صيغة فيديو إلى اي صيغة .. و يوفرلك كل التحكمات الللي ذكرتها و اكثر .. و شرحته بالصور و دا يتحمل حاليا على الميديا فاير (بدون كراك و لا شي بس شد ابو النظيف ) و إن شاء الله بس يكمل اذكر رابط الموضوع مالته على شكل رد بهذا الموضوع

و التحية و السلام

[علي الواسطي]

شكرا للرد وبأنتظار الرابط

[Samer]

و هذا الرابط:

تحويل صيغ الفيديو-تقليل حجم الفيديو-تحويل إلى صوت مع برنامج Any Video Converter Pro

و يدللووو

[المعلم الجامعي]

وردةةةةةةةةةةةةةةة الدرر

[King Haider]

السلام عليكم أخويه هذا برنامج لتحويل أي صيغه وهو سهل الاستعمال أسم البرنامج Format Factory

[برشلونا]

نزل برنامج any video converterواخلص