هنا

[وسـام]

هاي گبل /
برمضان من يجي وكت العصر امي توگف تخبز بتنورها الطين شاده شيلتها وضابه ظهرها بعبايتها اللي مسويتها حزام واحنا نلعب داير مادايرها بطوبه نايلون مزروفه مخلين طابوگتين مسوينهن گول وكلما نعرگ ونتعب نركض لصينيه الخبز ناخذ عضّه وانوب نطلع للشارع نطير طيارات بخيوط شيشه مطحونه بگزاز وصوت عبد الباسط يترس الشوارع صواني الجيران تملي الفروع والجوامع ريحة كباب البيت تطگ بالخشم وصوت امي اسمعه من راس الشارع يصيح يلله ولچن اخبطن اللبن ماظل وكت راح يوذّن . وام رائد شايله اعله راسها صينية الثواب للجامع والحمالين من يحلون من الشغل يگعدون اباب الجامع ينتظرون الاذان يأذن وعلاليگهم الفارغه بجيوبهم يترسونها من خيرات رمضان من الصواني واخر خمس دقايق يصير المرادم يلله ولك راح يوذن بسرعه ! نلم ملاعيبنه وركض ندفر الباب نلگه السفره ممدوده يادوب نحصل مكان ورا ظهورت الصيام بس احنا نمد ادينا من بيناتهم وناكل
وننتظر الفوازير…

[*وراء صمتي حكايه*]

هاي گبل /
برمضان من يجي وكت العصر امي توگف تخبز بتنورها الطين شاده شيلتها وضابه ظهرها بعبايتها اللي مسويتها حزام واحنا نلعب داير مادايرها بطوبه نايلون مزروفه مخلين طابوگتين مسوينهن گول وكلما نعرگ ونتعب نركض لصينيه الخبز ناخذ عضّه وانوب نطلع للشارع نطير طيارات بخيوط شيشه مطحونه بگزاز وصوت عبد الباسط يترس الشوارع صواني الجيران تملي الفروع والجوامع ريحة كباب البيت تطگ بالخشم وصوت امي اسمعه من راس الشارع يصيح يلله ولچن اخبطن اللبن ماظل وكت راح يوذّن . وام رائد شايله اعله راسها صينية الثواب للجامع والحمالين من يحلون من الشغل يگعدون اباب الجامع ينتظرون الاذان يأذن وعلاليگهم الفارغه بجيوبهم يترسونها من خيرات رمضان من الصواني واخر خمس دقايق يصير المرادم يلله ولك راح يوذن بسرعه ! نلم ملاعيبنه وركض ندفر الباب نلگه السفره ممدوده يادوب نحصل مكان ورا ظهورت الصيام بس احنا نمد ادينا من بيناتهم وناكل
وننتظر الفوازير…

((يله ولچن اخبطن اللبن ما ظل وكت راح يوذن))
ههههههه..
والله عليك خيال وسيم..بصراحه هاي الفقره عجبتني هههه

[جْــيْــكـــي'ۦ، 'ۦ]

يعني شيصير لو اليوم عيد ميلادي و امي اسمها رهف واني اسمي دانيال وابوي جنرال عسكري و بس اني الوحيد الهلي وامي تسوي دعوه لصديقاتها من هذني الهايلايف وهي تجي تگعدني بالعشره الصبح تگلي اوگعد يام روح جيب الكيكه من ابو ريام وقواطي الببسي من ابو هاجر واروح اجيبهن ومن ارجع الگي صديقات ماما واگفات بالصاله وجايبات بناتهن وياهن وكل وحده تشاور امها عزا عزا شوفيه ماما شگد وسيم يخبل اي ولچ لعد اشايفه منه هاي عود هسه جاب قواطي الببسي وتعبان لعد لوتشوفيه مرتاح شلون ؟ شوفي شوفي راح اصيحله ! وبتها تگلها لالا عفيه ماما لتصيحيه اخجل منه ! لا ولج لتخجلين وانوب يصيحنلي جايباتلي صوغات وحده تگلي تعال بعد خالتك وحده تگلي تعال ماما يمنا ويجيبن ايدي ويحطن السچينه بيها ويگصن الكيكه ويصفگن هييييييييي وامي تخاف عليّه انشل من الهوا تگلي يلله ماما حضرتلك الجنطه علمود تلحگ موعد الطياره على باريس يلله يووم
اي يوووم حبدل واجي..

[*وراء صمتي حكايه*]

[وسـام]

((يله ولچن اخبطن اللبن ما ظل وكت راح يوذن))
ههههههه..
والله عليك خيال وسيم..بصراحه هاي الفقره عجبتني هههه

دوم الضحكة ي ورود

[وسـام]

السياسيين الوطنيين من الشيعة ظامين فلوسهم بإيران ..! و السياسيين الوطنيين السنة ظامين فلوسهم بعمان .. !
وآحنه المواطنين الخونة ..ماعدنه حتى بطل انظم بيه فلوسنه ..!

[*وراء صمتي حكايه*]

نَحنُ نمنح الفرص لأننا لا نريد أن نخسر من نُحًب
ولكنهم يخسرون فرصهم حين يظنّون ان العطاء أبدي

[وسـام]

ليفعل الله بي ما يشاء ، مثل هذه الثقة مصدرها “وما ربُّكَ بِظلاَّمٍ لِّلعَبيدِ”.

[وسـام]

ميتين وخمسين مليون عافيه هني ومري ببطونكم ومالكم شغل بالشعب هذوله مضغوطين منكم لان ميعرفون ينصبون بالدين ضايجين منكم
بعدين انتم جبرتوا واحد ينتخبكم ؟ لاوالله يا اميرهددتوا واحد ؟ لاوالله ياامير بالعكس همه يركضون بالانتخابات واحنا گاعدين بالفلل مالتنا
انتم خليتو واحد يطخ راسه بالثاني ويگله عبودي تاج راسك ؟ لاوالله وداعت عبوسي حرام اذا عاتبين على واحد
خلاااااص اكلوووو مليون عافيه…

مائدة افطار مجلس النواب

[وسـام]

‏ضحكوا علينه‬.
حَين قالوا لأم الشهيد ..هل من مَزيد ..
نريد من رَحمك أولادا نجعلهم وقودا تنير لنا دروب السلطه .