گبل من چانت تصير عطلة نص السنه نحير شنشتغل بيها ساعه ابيع علاليگ بسوگ المخضر ساعه ادفع عربانه احمل بيها مسواگ چنت اخلي الفلس اللي احصله بعلاگه واشدها بالحزام اضل لازمها اخاف عليها مثل المغذي ومن شافني جيرانا مهدي ابن ام عامر گالي تشتغل يمي اعلمك صنعه ؟ گلتله اي ياريت گال اطلع من باچر چنت احب اوصخ هدوم الشغل حتى الناس تگول هذا شگد سبع بعده زغيرون ومامعتمد على اهله وبيوم من الايام اتعاجزت ماطلعت للشغل اجه استادي دفر باب الحوش علينا ! اني ركضت لبدت ورا امي وابوي هو اجه مخنزر وشالني من بيناتهم وربطني بشجرة النبگه اللي بنص حوشنا وطاحلي دگ بالصونده خلاني ازرگ وامي وابويه يباوعولي گال مااوصيك عود باچر هم لاتطلع ! وثاني يوم اني بالسبعه اباب الدكان انتظر استادي هاي استادية گبل چانت مو هسه يناوشه جگاره
المشاركة الأصلية كتبت بواسطة @أمير الذوق
كلمات رائعة وراقية ..عاشت الايادي
