ياكل المعاني وچلمة اني انخاك
جب يوسف صرت ضم الجروح اسنين
چنت احسب اظل انه العمر وياك
اثاريك سراب وسودنتلي العين
مل مني الصبر من كثر ما أتناك
وشهودي الليالي وياي سهرانين
بعد شيفيد لو ترجع تگول اهواك
شيعت الگلب ودفنته مدري وين
لاتنغر جمالك ادري بي غلاك
وادري الشهد كله منبعه الشفتين
حترت ما بين اذكرك لو اريد انساك
مثل حاير يطيح بوســـــط محتارين
أعشگك چنت أعشگك والدليل فداك
وبحبك طحت من راســــي للرجلين
عتبه شتلت روحي في درب ممشاك
وعلگت السنين شموع الك كل حين
تنـــــور الگلب ما برد من جفـــاك
وصدى صوت اللهيب يفزز الصوبين
مدلل موچنت يمي شـــــــتريدن هاك
وچانت بســمتك تحســــبها منك دين
أبعد لاتصــــل يم داري أترجـــــاك
نشف نهر المحبه ويبست الجرفين
رد مع اقتباس
