سألوني الخلك هم عندك انت احباب؟
كلت واحد حبيبي و ما اريد اكثـــــــر
تعرف ليش احبك؟
راح اكلك ليـــــــش؟
لان انت النفس وبلياك ما اكــــــــــدر
انت النفس ليه واظل عايش بيـــــــك
ومن تطلع تظل الروح تتحســـــــــــر
يمر طيفك اكبالي وبيك اظل ولهــــان
واصبر الروح وابقى لشوفك اتنطــــــر
احب اسمك لان هو النفس للـــــــروح
واحب ذكرك لانك بالعقل تفتـــــــــــر
واحب رسمك اكبال العين من يلـــوح
واحب عقلك لانه بغيري ما فـكــــــــر
راح اكتب احبك جوا جفن العين
حته لو غبت متروح من بالي
ـ ـ ـــــــــــــــــــــــــ ـــــــــ؟؟
ليش اكتب احبك جوا جفن العين
اذا رسمك اساس الكون عيوني
وحبك اصله دم اليمشي بالشريان
ونبظات الكلب بسمك يدكولي
ما يحتاج اكتبك جوا رمش العين
وطيفك لا تظن يبتعد من بالي
واذا مره نسيتك تعتقد شيصير
يوكف نبظ كلبي وما يدك ثاني
انتظرك ترد لو ماترد كول؟
حتى اكطع الظنة واقفل الباب
ظل باب انتظاري هواي مفتوح
وفشلة بدربي مرت وادم اجناب
...
تعال شكد خواطر كاتبة الروح
وعاش بداخلي مليون سياب
تعال العمر يكصر والهجر طال
وتهد حيل الكلب لحظات الغياب
حاسب فركتك وحسابي مضبوط
مااغلط ابد وانطيك الحساب
حاجيني بنظرتك وافتهم شتريد
وخلي رموش عينك هية تسألني
بس حرك رمش وآنه اعرف المقصود
وسولف بالتريده عنك وعني
صوتك.. صوتك من تسولف حقي اذوبن بيه
ماجنك تسولف جنك اتغني... نظراتك طلاسم مالهن عراف
ساعة ارتخي بيهن وساعة يجتلني
ياابيض ثلج والثوب اسود اللون
كلي شلون رهمن هذا ويه ذني
ومن تمشي بدلع تسحك بكلبي تريد
وكل قصدك تدوس الكلب وتذلني
احس روحي وياروحك صارن بفد روح
واذا اسأل عليك اسأل قصد عني
كاتلني هواك واسأل اترجاك
وغريبه شلون احبك وانت كاتلني
أحبك يعني أحبك من قلب ولسان
وشما تحمل احبك من (معاني)
أحبك يعني أسهر ماأنام الليل
أحزن لو غبت عني ((ثواني))
وبس انت اشوفك من كمت اهواك
وغيرك ماشفت حبك (عماني)
وبس صوتك اسمعه دون الاصوات
وترفض غير صوتك هاي ((أذاني))
مدري اتخبلت مدري العشك هيج
مدري حبك أنت الهيج (سواني)......؟؟؟؟!!!!
رد مع اقتباس
