اليوم راح اكتب عن شباب
كانت احلامهم بسيطة وسهله
جدااا
لكن الدنيا والزمن غدر بيهم
قصتهم حقيقه وانا اعرفهم حق المعرفه حتى اني تربيت معهم وعشت طفولتي معهم كانت اجمل ايام لن انساها ولن انساهم ابد سيظل حبي واحترامي لهم طول عمري وسيظل عهدي لهم احفظه الى ان اموت واتمنى من الله يجمعنا سويه
شباب وبنات على قدر مشاغبتهم وضحكهم بكوا كثيراا
انحني احتراما وتقديرااا
لهم
كنا اطفال واصدقاء جيران من كان عمرنا سنتين وتربينا سوية تعاهدنا انو مانفترق ابد
كنا نلعب ونضحك ونشاغب ومقالبنا محد يكد يسوي مثلها دخلنا الابتدائيه وكلنا صرنا بصف واحد وكملنا الابتدائية واحنا مافترقنا دخلنا المتوسطه
واحنا بصف واحد طلبنا من المدير مايفرقنا كنا بنات ولد اشطر طلاب مانتبع القوانين بالبس المدرسي مشاكسين تكدرون دكولون (صف مشكلجيه) يشترون المشاكل مشتراه
بس شطار الضعيف مابينا درجته بل80 متنافسين بكل شي حتى بلفرصه نكعد نقرا وناكل
طبعا انا شوكولاه كنت وياهم المراقبيه مالت الصف وااوكح بنت كظيتها بالابتدائيه المراقبيه وبلمتوسطه هم يختاروني بس كنت بساعدهم كان محد يكدر ياذي واحد من عدنا الولد يدافعون عنا كانما يدافعون عن خواتهم مع انو نوبات يسوون بينا مقالب
كنا كلنا نلبس اسوار بايدنا رمز العهد اللي بيناتنا اصدقاء للابد احنا صنعنا بايدينا سوار بسيط ولكنه كبير في اعيننا
كان في بيناتنا ولد اسمه محمد شخص شاطر بس مغرور كلش ومتباهي بنفسه ويعتبر نفسه اشجع ولد بلمدرسه من كثرة غرورة بس كلبه طيب يساعد الكل والحمدلله انا شكولاه
سويت بيه مقلب خليته بعد مايضل مغرور
ويوم من الايام كانت الدنيا حارة جدااا كان دوامنا ظهري على مااذكر انها كانت 3 الظهر كنا لاشغل ولاعمل عدنا الولد طبعا يلعبون كرة احنا كنا صف الثالث (أ)مع صف الثالث(ب)عدنا منافسة مالها مثيل اجى مدسنا اسمه منتصر جان مدرسنا اللي يحبنا ويدللنا كثير ومرشد صفنا كال اليوم طاكه روحه وضايج طبعا قصد انو يريد شيء يضحكه طبعا اني شوكولاه فهمت قصده اني كنت اعرف انو ولد صفنا عصبيين جداااا ومايتحملون لهذا كلت للبنات يشجعن ولد صف الثالث(ب) وشوفوا انتو شباب ربيتو وياهم ويشوفون البنات يشجعن غيرهم شيصير بيهم صعدت العصبيه فول ضربوا ولد من الصف (ب) صارت العركه (بوكسات ...........الخ)تعرفون شلون الولد من يتعاركون
اجى المدير عاقبنا كال هاي انتو اشطر الصفوف هيجي تسوون لعد الموشاط شيسوي
المهم عاقبنا نوكف قصاص بلمدرسه للمغرب وحجى علمدرس كال منو سوى المشكله طبعا كلها كالت اني كالي ليش موانتي شاطرة وكلها تحبك كلتله والله استاذ مو اني استاذ منتصر كالي سوي هيجي طبعا المدرس ضربني على راسي كلتله ليش تضربني اني مااكذب عالمدير واوكع بيها كل المدرسه طلعت للبيت الااحنا بقينا معاقبين واجو اهلنا وبلكوه طلعونا من المدرسه ورجعنا ثاني يوم للمدرسه كانما شيء لم يكن رجعت الامور كما كانت لان محد يكدر يحجي اويضحك لان يروح بيها ينشبع كتل هاي كانت بعض من مشاكلنا ومشاغباتنا بس المهم كنا شطار ونطلع كله اعفاء وواحد يخاف على الاخر ونحب بعض وواحد يحترم الاخر وكل واحد الو مكانته
هسه راح الضحك نرجع على غدر الدنيا
انا ساتكلم عنهم بلتفصيل الممل
اولا اخويه العزيو والغالي اللي ماشفت مثله ولاراح اشوف مثله شخص يحب الكل ويساعدهم ويدافع عنهم
اللي مات وهو يحمي اخته الغاليه عليه من وراء انفجا صار من رجعنا من المدرسة اللي لحد الان اني ماناسيته واذكره كل يوم وندمانه اكبر ندم لان ماكدرت اسويله شي واساعده بيه
والاخر صديقنا وصديقتنا الغالين اللي كانو يحبون بعض بعمري ماشفت واحد يحب بنت مثله من كنا صغار منا نعرف انهم لبعض المهم انهم انخطبوا لبعض بعمر ال17 سنه كانو طالعين يشترون ملابس انكتل عمر كدام امنه هي فقدت الان هيه مجنونه لاتسمع ولاتتكلم كانت احلى بنت وهو هم احلامهم كانت بسيطه جداا وانتهت الاحلام بلحظه مرت امامهم وانتهت الان احزن على حالها واتاسف
والاخر اثير ذلك الشاب اللذي كان يتمنى ان ينهي دراسته كانت الضحكه ماتفارقه كنت اشاقه ويا دايما اكله اذا صرت مدرس لازم تنجح اطفالي يكلي لوتموتين ماانجحهم واظل اشبع بيهم كتل ويضحك قتل اخيه ورمي بلماء وهو ضرب بطلق ناري في حوظه الان هو مقعد ومشلول على فراش الموت لايقبل ان يرى احد ولايكلم احد من تاذى رحت اشوفه المهم اني دخلت على غرفته هو ماكن يقبل يشوفني من شافني ادار وجهه على جهه اخرى وظل يبجي اني ماكدرت بس بجيت ولاكدرت اكول شيء بس البجي عليه بس هو على هاي حالته ضحكني كالي هي مريومتنا الحلوة كلازم تبجين نسيتي لو لا اني خال اطفالك الي راح اشبعهم كتل كلتله واني ابجي اي صح لوتموتهم فدوة الك يرحون اني ردت اخفف عليه طلع هو اللي يخفف عليه حزني
اتمنى من الله يكومه بالسلامه ويشفيه ويحققله حلمه ويطول بعمره
اما الباقين
اثنين من الشباب مانعرف عنهم شيء اختفوا لحد الان مانعرف عنهم شيء ولاسامعين عنهم شيء مانعرف احياء لو اموات
والاخر منهم من ترك دراسته ويشتغل لان اكثرهم اخوتهم ماتو او ابائهم ومنهم من مات
اما البنات منهن تزوجن وصار عدهن اولاد وازواجهن ماتو وهن هسه يعتنن باطفالهم ومنهن بقن مزوجات ومنهن لا
اما الذين بقوا احياء وهم قليلون لحد الان نلتقي ونراه بعض من مده الى اخرى حسب ظروفنا
المهم اه من الدنيا التي اخفت تلك الضحكات والمشاكسات
التي كانت على شفاه هولاء الشباب والبنات
واصبحت كرمال في الصحراء تختفي عندما تهب ريح عاليه تخفي اثرها
اتمنى ان نجتمع معنا
وتبقى ذكراهم في قلبي الى الابد ولن انساهم
فراق الأصدقاء.. ... فراق الأهل
فراق الحبيب ....... فراق الروح
فراق فـــــــــــــــــــــراق فراق
مهما أختلفت المعانى والمسميات
لن يختلف معنى الفراق
في أي مكان
فاألمه واحد وحسرته واحد
مأصعب العيون حين تنظر النظره الأخيره
مأصعب العيون حين تنظر النظره الأخيره
مودعه
في هذه اللحظه""لحظه الفراق""
تختلط مشاعرنا بالبكاء والآنين
ويحترق القلب حسرة وألم
ونحس بالإحتراق قد وصل لحناجرنا
مانعة الكلام من الخروج
وتجعل أنفاسنا تخنق
فى هذه "اللحظه"لاندرى ماذا نفعل ؟!
أن أردنا الكلام لايخرج سوى همسات غير مفهومه متقطعه بأنين
جارح يخرج من صدورنا
إن أردنا السلام رجفت أيادينا وكأن الدم أنقطع بها وأصبح رفعها
عملا شاقا وكأنها شلت
وإن أردنا الابتسامه أصبحت أفواهنا تبتلع الدموع من كثرتها
في لحظتها لانستطيع فعل شيء أبدا تظطرب كل حواسنا
ويشل تفكيرنا ونصبح في نوبة بكاء أوبلأصح نوبة أنهيار من البكاء
ماأقسي هذه اللحظه " لحظة الفراق"
لحظة نعلم فيها بأننا لن نري من نفارقه لمدى الحياة
وماأصعب من هذا كله هو ماقبل الفراق حين نضحك على انفسنا ونتناسى بأن
هذه اللحظه قد اقتربت واقتربت
ولاندع لأنفسنا ثانية تمر بدون ضحك وكلام
حتى لانتذكرلحظة لاقتراب
تحيه لكم يااصدقائي وصديقاتي
من قلبي ذكراكم باقيه في قلبي ونفسي وروحي
كتبتها تخليداا لذكراهم الحلوة
اتمنى تعجبكم
في الحقيقه عندي قصص كلها اخرى مع اشخاص التقيت بهم بشكل حقيقي
رد مع اقتباس
المشاركة الأصلية كتبت بواسطة غرور انثى
