السلام عليكم ورحمة الله وبركاته
قصيدة الحب الاول
للشاعر نائل المظفر
لانك بالتزامك مومن اهلك
وخاف تشيل ذنبي مو من أهلك
منو بكدي يحبك مو من اهلك
منو بكدي يحبك من عشِرتك
واتمنى اصير اصبع من عشرتك
وانه شكظيت خايب من عشرتك
اعد بسنين عشرتنه وهي جروح
واحس ويه النفس يطلع وهج روح
واخيرا كتلي ودعني وهج روح
اروحن وين ما اكدر هوى انت
وانه الماهان من اجلك هونته
الي بدنياي شي واحد هو انت
وحرت بين ان تركته وان تبعته
وانه الونيت والون ون تبعته
ما قصر حبيبك وانت بعته
حبيبك باع عمره واشترك بيه
وحزن كلبه على حزنك واشترك بيه
وبعد شتدوس كلبي واشترك بيه
جبل حبه وتكلكل لن تكل بيه
ويدنيا شما دفعتيه لن تكلبيه
واذا تنساه يكلبي لا انت كلبي
ولا اريدك بعد وبصدري احملك
حبيبي شلون ترضى بصد رحم لك
اذا حملك يتبعك بصدري حملك
وانه روحي الارض وشكد دول الهه
وتداوي الداء لو بالمخ دوى الهه
بس العين مايحصل دوى الهه
دواهه العين خلهه من تقر بيه
وتصب كل ما تشوفك ما انت قربي
ولك شيصير حبك من تقربيه
وتحبني انت يقين بصدري مو شك
والف شوكة سكوت بصدري مو شك
انذبح كلي وتشظه بصد رموشك
وعرف محد يدفنه وشي دفن شي
وعكب صدره المواكد شي دفن شي
كفر من رسم غيرك شي دافنشي
واظن بالجنه يدخل من يرسمك
حبيبك يمسح اسمه من يرى اسمك
سمك حبي بجمالك من يرى اسمك
وانه الليل بعيونك شفته كحله
وشفت شمس الاصيل وشفتك احلى
العسل من ضكته كلك شفتك احلى
اذن لو من شفاهك بستك اشفى
اذا انت المات يعدل بس تكشفه
شتظن حبك يضعفك بس تكشفه
وعلي تخفي اهتمامك واكتراثك
ونه من مات كلبي وك تراثك
نسيت الحب الاول وك تراثك
صدك ينسى تراثه هسه جيلك
ودشوف سواجي عيني هسجيلك
انادي وما تكلي هسه اجيلك
صحتلك يا... صارت كبر يائي
واذا رائيت بالشط كب ريائي
حبيبي شلون تجرح كبريائي
وتذلني كبال كل ناسك وناسي
وعفتني بصحرة شاتلني وناسي
وناس تكول لاتقبل وناسي
لان كلش مذلتي لاكت الهم
وجبل حبي المقدس لاكه تلهم
كالو حيل ذلك لا كلت الهم
عنايه احتاج كلبه وجاي اعانيه
ونكرت شكثر منك جاي اعاني
تمرمرني من ازورك جاي اعاني
شكثر ندمان جي بيتك عتبته
وعرفني الباب من دكتي وعتبته
وعتابي وياك جي احبك عتبته
كلبي شلون يمهم وك كسرته
اسير وذل شجالك وك اسرته
كبل جانت اسرتك وك اسرته
اسرتك هسه سمتني الضحيه
رد مع اقتباس
