اسولف ويه روحي واسرع بممشاي
اگول اخوان عندي وهسه يتنوني
وصلت الكربله شو ما شفت خوان
لا گامو اليه ولا تلگوني
صحت بصوت عالي حسين يا عباس
اختكم انه زينب ما تسمعوني
انه بحال اليسر باليسر شفت الضيم
جا حگكم يخويه ما عرفتوني
مو زينب اجيت ولا عقيلة ال
هاشم لا خدر لا شكل لا لوني
گبل زينب جنت من جان عباس
وهسه ام المصايب انه سموني
اذا اعتب عليكم حگي يلخوان
هذا اعتاب خوه ولا تلوموني
ما عفتك تراني ولا عفت عباس
وحشاكم ما اگولن انتو عفتوني
رحت عنكم غصب مجبوره لرض الشام
وحسافه على العزل يحسين ركبوني
صح عنكم مشيت بجسد ما بيه روح
بس ضلت روحي يمكم يا ضوه عيوني
رد مع اقتباس
المشاركة الأصلية كتبت بواسطة قناص المدينه
