لطمیه خویه یا عباس وینک
خویه یا عباس وینک ، یا عزیزی او سلوتی
واعدتنی یا کفیلی ، گوم و احضر محنتی
***
المصائب ما لون غیری لوّنی
یبویه ابکربلا ریتک لوّنی
تعال او شوف حسراتی لوّنی
وحیده اصبحت برض الغاضریه
***
گوم یا عباس خویه گوم شد اعلی القتال
گوم یا ابو الشیمه قاتل دوّت اخیمنه الرجال
ابگلبی خویه النار شبّت من بعد ذاک الدلال
صرعه بلمیدان کلکم من یمدنی ابعازتی
***
خویه یا عباس وینک ، یا عزیزی او سلوتی
واعدتنی یا کفیلی ، گوم و احضر محنتی
***
گوم یا عباس خویه الگوم ما عدهه رحم
گوم یا عباس خویه اتجمعّت یم الخیم
و اختک اباسمک تنادی وین شیّال العلم
وین ابو فاضل عضیدی الیوم یحضر شدّتی
***
خویه یا عباس وینک ، یا عزیزی او سلوتی
واعدتنی یا کفیلی ، گوم و احضر محنتی
***
حگی لو اعتب علیکم کربلا نار او سهام
طاحت اخیمنه او سبونا واعلنوا حرب الختام
شالوا الراس او خذونی امسیره تحت الظلام
اخوتی صرعه اعلی الرمال او من یمدنی ابغربتی
***
خویه یا عباس وینک ، یا عزیزی او سلوتی
واعدتنی يا.کفیلی ، گوم و احضر محنتی
***

[IMG][/IMG]