السلام عليكم ايها الزائرين والاخوة الاعضاء هذه مجموعة ابوذيات من نسج قلم خادمكم زين المواسي اتمنى ان تدعوا لي بالخير ونسأل الله القبول والشفاعة عند اهل الشفاعة اهل البيت عليهم السلام ....
على مصابك دم الليلة ... يهل كون
ويريت اللي سبو زينب .. يهل كون
سوادة وصـبـح مظـلـم ... يهل كون
الكمر غاب وغابت الدنيا علية
لسان حال الحسين عند مخاطبة اخته العقيلة ((عليهما السلام))
انـة بـية الـمـوت طالـب .. وداعة
والضعن يمـج يـزينب .. وداعة
اشكد صعب يومج يخوية .. وداعة
انهدم حيلي ياخيتي بهل المسية
على الشامت صبح يصعب ... وضعنة
واحنة تهنة اخلاف عينك ... وضعنة
عكبكم ياهو البكة الخدري .. وضعنة
مشيتو وبكيت انة سبية
رحيلك بالصدر نبلة ... تركباه
وخيول العدة الصدرك ... تركباه
اشلون اخيتكم ضعنهه ... تركباه
غرب كدامهه اشهل الرزية
انة اخوية كصدت نحرك . وشماتة
وسياط الشمر مـتنـي .. وشماتة
انة فوك الهم ايتامك ... والشماتة
تناشدني يخوية اشظل الية
يحلم العمر يالحيـــد .. يمناي
على ونتي عزف مجروح.. يمناي
دون ايمينك كون انكطع .. يمناي
ودون عيونك كون السهم بية
رد مع اقتباس
