التبريد المائي يتلخص في كلمة صغيرة وهي “تبريد مكونات الكمبيوتر بواسطة الماء” … ؟!

• هو ينفع أصلاً ؟!
اه طبعاً ينفع جدا ويعتبر أقل انواع التبريد الي موجودة كمان, في بعد التبريد المائي .. التبريد بالثلج الجاف وبعديه التبريد بالنيتروجين السائل وفي الأخر التبريد بالهيليوم السائل
بس المنتشر في السوق والي الناس تقدر تستخدمه عادي من غير مشاكل هو التبريد الهوائي المعروف والتبريد المائي, لأن باقي انواع التبريد الي ذكرناها من شوية تعتبر غير صالحة للأستخدام المنزلي والمتستمر علشان بتبقي عايزة تجهيزات كبيرة وكتيرة ومكلفة كمان ده غير انها بتبقي خطرة جدا

• طب التبريد المائي عبارة عن ؟
في نوعين من التبريد المائي .. تبريد يتم تركيبه بالكامل وتعديله حسب رغبة المستخدم وبيتسمي Custom Water Cooling




وهذا بيحتاج ناس تكون على دراية هي ماذا تعمل ميحصلش تسرب للمياه من هنا وهنالك بالغلط ويتلف الجهاز كله
وفي النوع الثاني الأحسن وهو التبريد المائي ذو الدائرة المغلقة Closed Loop Water Cooling





وده الي منتشر في الأسواق ويدوبك بتطلعه من العلبة وشوية خطوات بسيطة بيكون متركب وشغال زي الفل ولا هتحتاج بقي تزود ميه ولا حاجة

• طيب ممكن يحصل مشكلة والميه تتسرب ؟
بتبقي بنسبة ضعيفة جدا جدا وساعات لا تحصل كمان في الـ Closed Loop Water Cooling لأن الشركة بتبقي عاملة اختبارات كتيرة للمنتج قبل ما ينزل السوق ومتأكدة انه شغال جيد من غير مشاكل.


• ما هي مميزات التبريد المائي طيب ؟
من اهم مميزاته ان درجة حرارة البروسيسور بتبقي اقل بكتير من درجة حرارته في المشتتات الهوائية علشان طبعاً التبريد بيبقي بالمياه وليس الهواء, كمان التبريد المائي ده بيوفر مساحة كبيرة جوا الكيسة عكس المشتتات الضخمة الي ممكن تعمل مشاكل مع تركيب الرامات … ساعات يعني
التبريد المائي ليس شرط يتركب علي البروسيسور بس, لا ده ممكن يتركب علي كروت الشاشة كمان وبرضوه الرامات, وفي ناس مجانين بيركبوه علي الباورسبلاي ….


بس طبعاً انا بتكلم هنا علي التبريد المائي الي بيتم تجميعه وتركيبه مش الجاهز Closed Loop Water Cooling