أدري شلون اگدر اصبر بلياك............وانته النفس باسمك يصعد وينزل
يالساكن بروحي ومالك الدلال............ملك باسمك حيازه وانته الموكل
انته البلنهار الگاك تمشي وياي............ يعني انته الصرت وياي مثل الظل
ولو دمدم الليل وعالسما صديت ............انته التضوي بيها مدور وتكتل
إي والله انته تكتل يا ابو السجاد............غير الگمر انته شلون ماتكتل؟
شتتوقع اعوفك وانته بيه هنا؟............ لو آنه اعوفك بيمن أتغزل؟
وتتوقع أذكرك ؟ لا تظن هذه يصير !............ غير من أذكرك أنساك بالأول
هم تقبل ؟
هم تقبل الروح انساك لو لحظات ؟ ............ ما اظنها ولو لحظات ماتقبل
تتفجر الدنيا بلحظة آنه أنساك............ والروح إنتحاري وسكنت مخبل
تيهت القوافي وياك بالعباس ............ ضيعت الوزن والخيط والمغزل
أريد أكتب قصيدة وأرضه عنها بيوم............ ما ترضيني وحدة. شلون أتقبل
أتقبل قصيدة بوصفك انته شلون؟ ............ أموت آنه لو أسمك أسمعه ترتل
مو كتلك انفاسي بذكرك انته تكون؟............ يعني بكثر ذكرك آنه أتبهذل
لو مرتين أسمك ينذكر تحتار ............ ما تعرف انفاسي ترتفع تنزل
عشگ آنه عشگتك مو عشگ عشاگ ............ محد عبر عشگي العاشگ الأول
قيس انعرف هو العاشگ المجنون............عقله من العشگ طگ فيزه وتخبل
وعبر قيس الغرام البيه تعرف ليش؟ ............ لأن مجنون آنه شويه ما أقبل
شفت العاشگين بيوم لو يومين ............ كل واحد يظل من حبه يتململ
وآنه المن غرامگ أبد ما مليت ............ ولو حاولت أملك روحي ماتقبل
آنه العقلي طار وفكري ظل محتار ............ طفح بيه الغرام وبعد ما أحمل
عقل بيك انته قفّل ......عذري آنه
أحبك حب يساري و ..... عذري آنه
راح أصرخ أحبك .......عذري آنه
لإن حبك نبت بسمار بيه
لأن حبك سكنّي وعم عليه
رد مع اقتباس