صار سنين شامخ يا ابي الضيم
منارة من الارض للسما مرفوعه
انت معدنك صافي وذهب تيزاب
وهاي الناس كلمن معدنه ونوعه
المحب لمن يحبك يا ابو السجاد
على الخدين سكته يجرن دموعه
يتجدد حزنه من يمر عاشور
والك بكلوبنه تتجدد اللوعه
انت العلمتنه بمنهجك يحسين
ومشينه عالدرب وبروس مرفوعه
ومر بينه وكت كلش صعب مولاي
حتى الدمعه بمحبتك ممنوعه
محبتنه الك لا عن طمع لاخوف
بس ربك فرضه بعرشة مطبوعه
وحك نحر الرضيع ودم علي الاكبر
وحك جفين ابو فاضل المكطوعه
لون حبك يدخلني جحيم النار
احس ذنوب عمري كله مشفوعه
رد مع اقتباس