هنا

[اسعد النجيماوي]

جمالك مو طبيعي حيرتني
ابضوه عينك عليه حيرتني
كون انكلب يمك حيه ريتني
عليك التف لما تختنك بيه

*************
انه كبالك مصيبه منشدهه
روحي على الجرالي منشدهه
تدري جروح كلبي منشدهه
تطك وضمادهه تسويه شضيه

****************
احس غيرت طبعك وانت ماهو
هذاك الراده كَلبي وانت ماهو
امس طاحت دمعتي وانت ماهو
لان غيرك اجو سألوا عليه

*******************
اهلاً كتلك بروحي حللته
عقد وي كل شخص غيرك حللته
انشدك من خذت دمي حللته
شفت بي حيك مبين عليه

************************
حرب بالي مع الحسبات جاون
وعلى روحي الهموم بجمر جاون
على اهله الحايط من يطيح جاوين
اذا فوك الغرب يراد ديه

****************************
انحنه ظهري واكابر عدليته
وبعدني بذاك حزني عدليته
خلص شوقي بمتاهه عدليته
طلع منهه وينا حايط عليه

*******************************
الوكت وياك ولمه ولمانه
سمعنا الكَال عنه ولمانه
روح سنين ورجع ولمانه
تلكَاهه على ايدك هيه هيه

[النقيب]

كلمات روووعه
عاشت ايدك